El Serviciu d’Emerxencies del Principáu d’Asturies contabilizó 124 incidentes, en 12 conceyos d’Asturies, rellacionaos col episodiu d’agües de les últimes hores na nuesa comunidá autónoma.
La mayor parte de los incidentes rexistraos, ente les 18.00 hores d’ayeri domingu y les 08.00 hores de güei llunes, tuvieron rellacionaos con inundaciones de baxos, garaxes, viviendes o locales comerciales, contabilizáronse 59 incidencies d’esti tipu. Amás, rexistráronse 53 emerxencies rellacionaes cola rede viaria (cortes de carreteres per cayida d’árboles o pequeños argayos, llimpieces o inundaciones de la vía de comunicación). Tamién se contabilizaron 12 emerxencies rellacionaes con retiraes d’elementos peligrosos.
Deja una respuesta Cancelar la respuesta