L’historiador Pablo Sánchez Pascual ganó’l Premiu Juan Uría Ríu d’investigación 2022 col estudiu Les villes marítimes del Principáu d’Asturies a finales del Antiguu Réxime (1750-1810), un analís de la evolución de delles localidaes dende’l puntu de vista económicu, social ya institucional. El galardón ta dotáu con 2.000 euros.
El xuráu, axuntáu esta mañana so la presidencia del director xeneral de Cultura y Patrimoniu, Pablo Llión Gasalla, escoyó por unanimidá esta obra, que supon “una aportación pervalible a la historiografía moderna al ufiertar un analís crítico y novedoso con conclusiones propies”.
