Les empreses interesaes tienen de plazu hasta’l 9 de setiembre pa presentar les ufiertes
La Conseyería de Mediu Rural y Cohesión Territorial sacó a llicitación les obres de la rede de caminos de la concentración parcelaria de la zona de Grandamarina, n’El Franco. El presupuestu ye de 340.420,86 euros y les empreses interesaes puen presentar les sos ufiertes hasta’l xueves 9 de setiembre. N’axudicándolos, los trabayos van tener un plazu d’execución d’siete meses.
Va actuase sobre 205 hectárees de terrenos y montes de los pueblos de Grandamarina, Mercadeiros y Bargaz, nes parroquies d’A Braña y Villalmarzo. Trátase d’una zona asitiada a unos nueve kilómetros d’A Caridá, capital d’El Franco, cerca de los conceyos de Bual y Cuaña.
Con estos trabayos, van abrise o enanchase 7.541 metros de caminos necesarios para dar accesu a las fincas resultantes de la concentración. En general, los viales van caltener los trazaos actuales y van diseñase coles característiques constructives afayadices pa solucionar los problemas d’anchores, cuestes, firmes y drenaxes.
Con esti tipu d’actuaciones, la Conseyería de Mediu Rural y Cohesión Territorial busca facilitar l’aprovechamientu de los recursos agrarios y ameyorar les infraestructures esistentes.
