Los drones de la Dirección Xeneral de Tráficu entamen a multar n’Asturies. L’organismu estatal entamó a emplegar en branu estes aeronaves pa denunciar a los conductores qu’incumplan la normativa de tráficu. Sicasí, nun va ser hasta esta fin de selmana cuando los drones entamen a sobrevolar el país.
Los drones son capaces de detectar si un conductor lleva puestu’l cinturón de seguridá o ta utilizando’l teléfonu móvil. Tienen una altitú operativa d’hasta 120 metros, un radiu d’acción d’unos 500 metros. Amás, cunten con cámares d’alta definición con visión de 7 kilómetros. La so autonomía ye de 20 minutos. Estos aparatos van vixilar aquellos tramos onde’l riesgu de accidentabilidá ye mayor, les carreteres con mayor tránsitu d’usuarios vulnerables y supervisar distracciones mientres la conducción.
Los nuevos drones de la DXT tamién s’utilicen pa monitorizar y sofitar la regulación n’operaciones y eventos especiales nos que se concentra un eleváu númberu de movimientos en carretera. Los drones van reforzar amás en misiones ordinaries de regulación complementaries a les desenvueltes polos helicópteros y a sofitar en situaciones d’emerxencia.
