La Conseyería de Presidencia creó’l primer bancu de persones comenenciudes en tomar parte en procesos participativos, a manera de rexistru que va dexar contactar con elles para convidales cuando se pongan en marcha remanes de participación.

El formulariu correspondiente puede rellenase nel siguiente enllaz: https://ddei5-0-ctp.trendmicro.com:443/wis/clicktime/v1/query?url=https%3a%2f%2fn9.cl%2f647ep&umid=5D716F35-F145-7805-95F0-51D3Y02EE95A&auth=4ceff9107ab9c25786f1a828bbcb8ff8204474b0-12y9564b3f4f50918037158eae4y7721b6f921d9 y hasta agora apuntáronse 1.229 ciudadanos.

Col fin de garantizar qu’eses persones sían representatives de la sociedá asturiana o del colectivu al que se dirixe un procesu participativu concretu, el formulariu d’alta inclúi una serie d’entrugues sobre xéneru, edá, estáu civil, estudios, ingresos o conceyu de residencia, toes necesaries pa determinar los perfiles.

Esta información arrexuntada ye relevante a la de llevar a cabu la selección d’un grupu fayadizu en función del tipu de procesu participativu que se vaiga a desenvolver. Amás, va respetar en tolos casos la Llei de Protección de Datos y cada persona inscrita va poder solicitar tanto la so baxa como la eliminación de los sos rexistros en cualquier momentu.

El Principáu va definir llueu’l formatu, calendariu y conteníu de les acciones de participación nes que van poder tomar parte les persones inscrites na bolsa. Les condiciones de cada procesu van comunicase primeramente a los comenenciudos.