El camping xixonés de Deva va acoyer esti fin de selmana l’alcuentru LGTBI+ más reivindicativu y multicolor d’Asturies. ‘El Orgullín‘ ye l’eventu pioneru en tol Norte d’España nel so formatu. Una fiesta qu’empezó a celebrase en Xixón en 2011 faciendo de la celebración del arguyu un exerciciu de visibilidá, normalidá y eliminación d’estereotipos. Un espaciu de convivencia enllenu d’actividaes culturales, reivindicatives y lúdiques nel Camping de Deva, onde ondeen les banderes multicolor durante tol fin de selmana.
La fiesta entama’l vienres 28 col izáu de la bandera multicolor a cargu del colectivu los Osos. Nesti actu van participar representantes de los grupos políticos de la ciudá. La tarde va siguir con una parrillada y fiesta d’amarutes. El sábadu 29 el ‘Orgullín’ súmase XEGAna Manifestación del Arguyu LGTBI poles cais de Xixón. La marcha va partir del paséu de Begoña a les cinco de la tarde para rematar na Plaza Mayor. De vuelta al camping va haber una espicha y fiesta.
Como yá vien siendo habitual, ‘El Orgullín’ va celebrar el domingu’l Día de la Diversidá Familiar. Una xornada na que’l protagonismu tener les families, pero sobremanera los neños, que van cuntar cola animación infantil al cargu de ‘Blinca’ y l’Asociación cultural ‘El Garrapiellu’. Va Haber música del grupu ‘La Versión de los hechos’, gran paellada y fiesta piscinera.
Programa d’actividaes:
Vienres 28
19:00 Izáu de bandera.
Anguaño los encargaos de que la bandera ondeé n’El Orgullín van ser los integrantes del colectivu ‘Los Osos’ pol sofitu siguíu al eventu dende los sos entamos.
20:00 ‘Culete de bienvenida’
El pistoletazu de salida acompañaos de los colectivos, grupos políticos y restu de ciudadanía qu’alleguen al izáu de Bandera.
22:00 Parrillada pola diversidá
23.30 Fiesta d’amarutes y conciertu de ‘Los Alcantara’ (Ferrol).
De siguío Fiesta colos Dj´s:Mery Monster y Chichu ven p’acá (Asturies) y Pablo Poldo (Asturies)
Sábadu 29
12:30 Taller ‘OrgumaniCostumes’
Tuneáu de camisetes blanques pa la manifestación del Arguyu LGTBI+
12:30 Pachanga Futbolera Multicolor
13:00 Sesión Vermouth-Charra Coloquiu ‘Microabiertu’ moderáu por Borja Ibaseta y Cristina Padilla.
13:30 Exhibición ‘Roller Derby’ les moces del equipu ‘La Güestia’
16:30 Salida del autobús gratuitu dende’l Camping hacia Xixón
17:00 Manifestación Arguyu LGTBI+ 2019
22:00 Espicha Multicolor animada por Dj. Bemba Colorá
00:30 Gran fiesta d’El Orgullín cola nuesa madrina Londra show, “es Fellini y DjNack (Asturies) y DjChechu (Asturies)
Domingo 30: día de les families
12:00 Espertar charangueru al cargu de la charanga ‘Ventolín’
12:30 Actividaes d’animación infantil con ‘Blinca’ y Xuegos tradicionales ‘El Garrapiellu’
15:00 Gran Paella familiar
17:00 Conciertu de ‘La Versión de los hechos’ (Asturies)
18:30 Pool Party
20:00 Fin de fiesta
