Concursu d’idees pal remocique del paséu marítimu de Fomentu y Poniente

0
571
Sablera de Poniente
Vista de la sablera de Poniente.

El Conceyu de Xixón va convocar un concursu d’idees pal remocique y ordenación del paséu marítimu d’El Fomento y Poniente. L’oxetivu d’esti concursu ye la selección de la meyor propuesta pal diseñu urbanu de les cais Claudio Alvargonzález, Rodríguez San Pedro, avenida Juan Carlos I y la redolada, hasta llegar a la plaza Máximo González. El conceyal de Movilidá y Mediu Ambiente, Aurelio Martín, presentó esti xueves un esbozu de les llínees básiques d’esti concursu. Nel actu tamién participó’l conceyal d’Obres Públiques, Olmo Ron.

Martín destacó que tamos ente «una nueva ordenación de la movilidá qu’esixe l’adecuación del espaciu pa faelo coherente col cambéu de modelu que se pretende pa la ciudá». El remocique d’esta zona quier priorizar la movilidá piatonal y ciclista, nuna estructura bien articulada de tresporte públicu. La reordenación de la movilidá a lo llargo del paséu ye «fundamental» pal cambéu de movilidá nel centru urbanu. La intervención nesti espaciu quier poner fin al conflictu ente peatones y ciclistes n’actual acera bici del paséu.

El concursu va desenvolvese en dos fases. Per un llau, la fase de la votación ciudadana, una vegada que se recibieren toles propuestes, van colgase na web municipal. Van poder votar por una d’elles toles persones mayores de 16 años y empadronaes en Xixón. El xuráu va escoyer la propuesta ganadora, que va recibir 20.000 euros, y dos accésits del concursu. Les propuestes tendrán de ser presentaes nel plazu de 45 díes siguientes a la publicación de les bases na web municipal.