Salú llevanta l’alerta naranxa declarada en cinco conceyos del oriente

Les autoridaes sanitaries van caltener, sicasí, una vixilancia estrecha en Parres, Ribeseya, Llanes, Cabrales y Cangues

0
83

La Conseyería de Salú comunicó a los alcaldes de Parres, Cangues, Ribeseya, Llanes y Cabrales el fin de l’alerta naranxa declarada nestos cinco conceyos. Salú declaró l’alerta naranxa fai 14 díes; en concretu, el 26 d’agostu. Pasáu esti períodu, que coincide con un ciclu d’incubación del coronavirus, revisóse la situación epidemiolóxica, según la esistencia y control de puntos calientes” na zona. En constatando que la situación ye contenida, les autoridaes sanitaries decidieron suspender l’alerta, pero caltener una vixilancia estrecha nos cinco conceyos. Para ello, la comisión de siguimientu integrada polos conceyos, la Federación Asturiana de Conceyos, la Conseyería de Salú y la Delegación del Gobiernu— va axuntase semanalmente para siguir evaluando la situación mientres siquier otros 14 díes.