El ‘Santiaguín‘ vuelve a les cais de La Braña, La Peral y Perchera. La moneda social tornará a circular del 15 al 21 de xunetu. Dende 2016, el ‘Santiaguin’ pónse en funcionamientu para sofitar al comerciu y pa sumase a les actividaes comuñales que se desenvuelven poles fiestes del barriu. Con esta moneda puede mercase cualquier productu nos comercios participantes na campaña y amás los vecinos y vecines atoparen ufiertes, promociones y descuentos.
El valor de los ‘santiaguinos’ ye equivalente al de los euros. Pueden consiguise hasta’l 21 de xunetu. Con ellos, va poder mercase cualquier productu. Amás mientres esa selmana va poder esfrutase de distintes promociones, descuentos y ufiertes nos comercios si se paga cola moneda social.
Los ‘Santiaguinos’ van poder cambiase otra vuelta n’euros na selmana del 22 al 28 de xunetu nos locales de l’asociación de vecinos de llunes, miércoles y vienres de 10 a 12 hores y martes y xueves de 16 a 18 hores de la tarde y nos establecimientos de cambéu. El dineru que nun se camude neses feches va dir empobináu a un proyectu social.
