Mocedaes Socialistes de Xixón anueva la so directiva. Sergio Moráis encabeza la comisión executiva escoyida’l pasáu vienres polos militantes de la organización nun congresu estraordinariu. Moráis, estudiante de Derechu y monitor deportivu, asume la secretaría xeneral. La secretaría d’Organización, Mocedá y Educación va quedar so responsabilidá d’Iván Hernanz Iglesias, estudiante d’Inxeniería Mecánica. Pela so parte, Valeria Iglesias Madalena, estudiante d’Inxeniería Química, va faese cargu de la Secretaría d’Igualdá, Política Institucional y Comunicación; y Elena Martínez Vena, opositora, va dirixir la secretaría de Derechos Sociales, Relaciones cola Sociedá y Movilización.
El congresu tamién aprobó la llista de representantes de la organización del Comité Autonómicu de les Mocedaes Socialistes d’Asturies en representación de Xixón. A la finalización del congresu, Moráis manifestó la so voluntá de trabayu en favor de los intereses de la mocedá del conceyu.
Deja una respuesta Cancelar la respuesta