Les oficines del Ente Públicu de Servicios Tributarios del Principáu piesllen temporalmente. Asina van permanecer mientres dure l’estáu d’alarma declaráu pol Gobiernu central. El real decretu 463/2020, aprobáu’l sábadu, establez na so disposición adicional tercera establez la suspensión de plazos alministrativos. Les cites pendientes queden suspendíes.
L’Ente Tributariu quier faer un llamamientu a la tranquilidá de la ciudadanía énte cualquier trámite pendiente. Asina, la suspensión de los plazos alministrativos supon la prórroga por idénticu periodu d’aquellos que tuvieren vencimientu, como les vixentes campañes de la viñeta y les tases d’agua, basura y alcantarelláu. Estes tres últimes, xuntu cola tasa de terraces, quedaron suspendíes en Xixón por alcuerdu del equipo de gobiernu.
