Etiqueta: Babin

Como suel ser habitual tres los partíos, el siguiente entrenamientu ye de trabayu rexenerativu pa los que más minutos xugaron frente al Zaragoza el domingu. José Alberto va tener la baxa segura pal próximu vienres de Babin, que tuvo que ser suplíu por cuenta de una mancadura muscular que s’alcuentra nel cuádriceps de la so zanca derecha.

Molineru y Manu García, qu’entraron nel parte médicu del alcuentru énte los maños, son recuperables. Nun hai sancionaos y caltiénense alvertíos de suspensión, con cuatro tarxetes marielles, Carmona, Borja López, Nachu Méndez y Manu García. Los xugadores roxiblancos van tener mañana un día de descansu. Van Retornar a los entrenamientos el miércoles, con una sesión que va tener llugar n’El Molinón, a puerta zarrada.

Nun cree Babin qu’hasta’l domingu l’equipu sintiérase presionáu por nun ganar hasta entós, anque cree que «la victoria apúrrenos confianza, especialmente agora que vamos a un campu tan difícil como’l del Uesca, que tien xugadores d’enforma nivel». Considera que «esta temporada la Segunda dio un pasu importante alantre, qu’hai equipos que se reforzaron perbién». Sicasí, alvierte de que «siempres hai dalguna sorpresa, porque’l presupuestu nun lo ye too».

Respectu al pasáu domingu, considera que «l’equipu tuvo bien ensin y con pelota, xugó un partíu completu». Foi más allá cuando señaló que «facía tiempu que nun me divertía tanto xugando como na segunda metá, con un ambiente que ponía’l pelo de punta». Destaca que «nel vestuariu somos una familia, lo que se tresllada al campu». Sobre’l motivu, piensa qu’ayuda que «hai munchos asturianos, lo que xenera enraigono», de la mesma manera que tamién merez la so considerancia l’amiestu de veteranos y nuevos».

Tien bones sensaciones nuna temporada na que se ve ilusionáu. Prevé coses bones, qu’asume «dende la responsabilidá de sabeme ún de los más veteranos del equipu».

El futbolista francés Jean-Sylvain Babin va siguir nel Sporting hasta 2022. El xugador aseguró esti llunes en rueda de prensa que «vive con muncha ilusión» el trabayu del equipu. Considera bien positivu que los fichaxes sumárense llueu al equipu: «Son de gran nivel y creo que tamos faciendo un bon grupu». Foi más allá cuando señaló que «se tán cumpliendo les mires que me treslladaron cuando anové’l mio contratu».

No personal, vese «finu, como la pasada temporada, cuando baxé de pesu», pa encarar un campeonatu nel qu’asume’l so veteranía nel vestuariu, «lo que nos obliga a dalgunos a llevar a lo más altu a los mozos; ye daqué no que tengo que dar un pasu alantre”.

Del partíu del pasáu sábadu en Salamanca énte’l Xetafe y de les bones sensaciones que dexó l’equipu xixonés, Babin recuerda que «son partíos de pretemporada y hai que valoralos como tal». Sicasí, apuntó que «dimos la cara» y defendió que «equí vamos toos a una». Tradució que «esti Sporting ye distintu al d’otres temporaes».

Jean-Sylvain Babin va siguir xugando nel Sporting. El xugador martinicanu y el club xixonés alcordaron la renovación del contratu del defensa para les próximes trés temporaes. Babin foi escoyíu meyor xugador de la temporada polos siguidores sportinguistes votantes del Troféu Mahou. El xugador diz que s’atopa «bien ilusionáu por tar en Xixón la temporada que vien» y «ta seguru que va cumplir l’oxetivu del ascensu col Sporting».