Asturies sigue con 10 incendios activos nel so territoriu, repartíos en 9 conceyos diferentes. La metereoloxía de los prósimos díes va ayudar na so estinción, yá que les lluvies van aportar a la comunidá nes prósimes hores. Estos son los incendios activos:
Amieva: Vega de Cien
Cabrales: Asiegu
Cangues d’Onís: Llabra
Casu: La Foz y Veneros
Onís: Sirviella
Parres: Priaes
Piloña: Monte
Ponga: Ambingue
Sobrescobiu: Villamoréi
A estes hores rexistrense n’Asturies 9 incendios forestales nos conceyos de Balmonte, Cangas, Grau, Llaviana, Les Regueres, L.lena, el Valle baxu de Peñamellera y Valdés. Toes estes quemes tán controlaes y van ser revisaes a lo llargo de la mañana.
Efectivos de Bomberos del Serviciu d’Emerxencies del principáu d’Asturies (SEPA) con base nos parques de Villaviciosa, Piloña y La Morgal, xuntu al Xefe de Bomberos de la Zona Oriental sofocaron l’incendiu declaráu nuna casa allugada nel Barriu d’Argüerín, n’Argüeru, Villaviciosa. La quema xamuscó la edificación. Según los datos facilitaos pol Serviciu d’Atención Médica Urxente (SAMU) un varón sufrió una cayida y foi treslladáu pola ambulancia de soporte vital básicu de Villaviciosa al Hospital de Cabueñes.
El Centru de Coordinación d’Emerxencies recibió l’avisu a les 11:32 hores. Na llamada indicóse que salía fumu pela puerta de la vivienda. Nel momentu, movilizóse a los citaos medios de Bomberos d’Asturies que se treslladaron con dos vehículos primer salida, un vehículu Defender, un furgón multisocorro, una autoescalera y un vehículu nodriza.
Cuando llegaron al llugar los bomberu atoparon l’incendiu totalmente desenvueltu na primer y segunda planta y nel teyáu. Los efectivos atacaron la quema con cuatro llinies d’agua, dos dende cada llateral de la construcción. Amás de trabayar pa la estinción, los bomberos atacaron el fueu pa evitar que s’arrobinara a les viviendes amiestes, dándolo por estabilizáu a les 13:21 hores. Los efectivos permanecen na zona realizando xeres de refrigeración y desescombru.
Efectivos de Bomberos del Serviciu d’Emerxencies del Principáu d’Asturies (SEPA), con base nel parque de Llamorgal, sofocaron la quema declarada nuna vivienda en Les Areñes, en Llanera. Según los datos facilitaos pol Serviciu d’Atención Médica Urxente (SAMU) cinco persones, cuatro varones y una muyer, resultaron intosicaos por inhalación de fumu y fueron treslladaos al Hospital Universitariu Central d’Asturies (HUCA). El fueu xamuscó una televisión y el frisu d’una chimenea y el fumu afectó al inmueble.
El Centru de Coordinación d’Emerxencies recibió l’avisu a les 4:47 hores. Na llamada indicóse que taba quemando una casa de dos plantes. De momentu movilizóse a los efectivos de bomberos con base nel parque de La Morgal que se treslladaron col vehículu nodriza y la autoescalera.
Cuando llegaron a la zona, los efectivos de bomberos remataron la quema, que los propietarios de la vivienda intentaron encalorar con agua y un estintor. Los bomberos utilizaron la cámara d’imaxes térmiques para comprobar que nun quedaren puntos calientes y realizaron xeres de ventilación de la vivienda.
Efectivos de Bomberos del Serviciu d’Emerxencies del Principáu d’Asturies (SEPA), con base nos parques d’Avilés, Pravia y La Morgal, xuntu al Xefe de Bomberos de la Zona Centru-Oeste encaloraron la quema declarada nuna nave en Salinas, na Avenida de los Campones, Castrillón. El fueu amás d’afectar a la edificación, xamuscó una moto y distintos enseres qu’había almacenaos nel so interior.
El Centru de Coordinación d’Emerxencies recibió l’avisu a les 00:23 hores. Na llamada indicóse que vía fueu detrás de la gasolinera. De momentu movilizóse a los efectivos de Bomberos del SEPA d’Avilés, Pravia y La Morgal, xuntu al Xefe de Zona Centro, amás de dar avisu a la policía local y a la Guardia Civil, y a títulu informativu, al Serviciu d’Atención Médica Urxente (SAMU).
Una vegada nel llugar, los bomberos atacaron la quema dende l’esterior y dende l’interior, con dos tales llínees d’agua. N’escastando les llapaes, los efectivos esfrecieron l’espaciu y desescombraron.
Efectivos de Bomberos del Serviciu d’Emerxencies del Principáu d’Asturies, con base nel parque de Mieres, estinguieron, ayeri nueche, una quema nuna vivienda de dos plantes allugada nel extrarradiu, en Santa Clara, Mieres. La quema xamuscó por completu’l salón de la vivienda y el restu de la casa resultó afectada pol fumu.
El Centru de Coordinación d’Emerxencies del 112 Asturies recibió l’avisu a les 22.33 hores d’ayeri miércoles. Na llamada señalaben que taba quemando una casa de dos plantes con viviendes adosaes. Nun había persones afectaes. A les 23.05 los bomberos dieron la quema por controlada y a les 23.51 hores comunicaron que taba estinguío.
Per otru llau efectivos de Bomberos del SEPA con base nel parque de La Morgal, estinguieron tamién ayeri nueche, otra quema declarada nuna vivienda allugada en Meres, Siero. El fueu afectó a parte de la cubrición. El 112 Asturies recibió l’avisu a les 22.15 hores d’ayeri nueche. Esplicaba que tenía fueu nel teyáu de la so casa, un inmueble de dos altores. Darréu, una vecina indica que tán con dos mangones intentando apagalo.
A les 23.34 hores los bomberos controlen la quema y la dotación movida dende’l parque maliayo torna a base. A les 00.42 hores los bomberos movíos dende’l parque de La Morgal dan la quema por etinguío y retiren pa tornar a base. A primer hora d’esta mañana, por precuru, tornaron al llugar pa revisar cola cámara d’imaxes térmiques que nun hubiera nengún focu activu.
Efectivos de Bomberos del Serviciu d’Emerxencies del Principáu d’Asturies (SEPA), con base nel parque de Grau, estinguieron la quema declarada nuna vivienda allugada na localidá moscona de Belandre.
Tratábase d’una casa de dos altores, planta baxa utilizada a manera d’almacén y primer pisu como vivienda y delles construcciones amiestes. El fueu xamuscó eses construcciones, la planta baxa y delles ventanes del primer pisu y parte del bistechu. Amás, por cuenta de la temperatura alcanzao, rompiéronse los cristales de la ventanes del primer pisu lo que provocó que’l pisu habitáu resultara afectáu pol fumu. Les llapaes xamuscaron, ente otros, dellos vehículos: un turismu, una furgoneta, un touterrén, un dúmper y numberosos enseres y maquinaria. Nenguna persona resultó afectada y tampoco nengunu de los animales que s’atopaben nel llugar.
Hasta la zona tamién se movió un efectivu del parque de La Morgal con una autobomba nodriza. El Centru de Coordinación d’Emerxencies del 112 Asturies recibió l’avisu a les 11.28 hores d’esta mañana. Na llamada indicaben que taba quemando una casa de dos altores. Nun había persones nel so interior, pero si dellos vehículos y ún yá taba quemando. Dende’l mediudía hasta les 17.55 hores tuvieron realizando xeres de refrigeración, ventilación y desescombro dáu’l gran material acumulao.