Etiqueta: Teatru de la Llaboral

Dos espectáculos con sellu asturianu nel Teatru de la Llaboral

Proyecto Pilotu va representar La bestia negra, Premiu Oh! 2023 al Meyor espaciu Sonoru y la meyor iluminación
Miguel Rodríguez Monteavaro con Andrés Rodriguez ya Iván Torres van poner n’escena A lluz, Orión y a nova lluz, un espectáculu que van ensayar primeramente na Llaboral con una Residencia del Programa d’Artes Escéniques

El Teatru de la Llaboral acueye dos espectáculos con sellu asturianu nos próximos díes: La Bestia Negra de Proyectu Piloto y A lluz, Orión y a nova lluz de Miguel Rodríguez Monteavaro con Andrés Rodriguez ya Iván Torres. Llaboral Ciudá de la Cultura ye un equipamientu dependiente de la Conseyería de Cultura, Política Llingüística y Turismu y xestionáu pola Sociedá Pública de Xestión y Promoción Turística y Cultural del Principáu d’Asturies.

Esti sábadu 4 de marzu, a les 20:30 hores, la compañía Proyectu pilotu va representar La Bestia Negra, Premiu Xovellanos 2022 a la Producción Escénica y Premios Oh! 2023 al Meyor Espaciu Sonoru para Verónica R. Galán y la meyor iluminación para Pelayo Rodríguez.

Danza, música, teatru y vídeu entemecen nesta reflexón sobro’l conceutu d’histeria atribuyíu a les muyeres, con dramaturxa y dirección de Borja Raspies y coreografía de Robeca Tassis y con Izar Gayo, Andi Bilbao, Verónica R. Galán y la mesma Robeca Tassis sobro l’escenariu.

Les llocalidaes pa dambes obres tán disponibles na Recepción de la Llaboral, nel Centru d’Información Turística del Principáu d’Asturies (CITPA) n’Uviéu/Uviéu, nel Centru Niemeyer n’Avilés, nel teléfonu 952 076 262, en unientradas.es y na web de la Llaboral.

28/02/2023
Fito & Fitipaldis vuelven a Xixón nuna versión más íntima

Fito & Fitipaldis torna per tolo alto a Xixón. Tres el gran ésitu del so pasu pela ciudá mientres el mes d’abril, Fito volverá xubise a los escenarios en Xixón nel añu 2023, y va facelo nel teatru de La Llaboral, el vienres 20 de xineru. Dempués de completar la xira nacional más multitudinaria hasta la so finalización, la banda preséntase nun formatu que va averar al públicu a un ambiente más íntimu, nel que podrán escuchase cantares del so últimu discu “Cada vez cadaver” y los clásicos de la banda, interpretaos con un matiz distintu.

Pa ello, Fito Cabrales incorpora a los Fitipaldis a Jorge Arribas y Diego Galaz de Fetén
Fetén, que, al pie de Carlos Raya, Javier Alzola, “Boli” Climent y “Coki” Giménez, van completar la banda que va percorrer mientres la seronda ya iviernu dalgunos de los teatros y auditorios d’España. Una ocasión única pa ver a Fito & Fitipaldis en Xixón, nun formatu bien especial. Les entraes van tar a la vienta a partir del próximu martes 18 d’ochobre a les 12 hores, al traviés de la páxina web de compra d’entraes del teatru de La Llaboral.

14/10/2022
Morgan actúa esti sábadu nel Teatru de la Llaboral

El grupu Morgan va ufrir un conciertu esti sábadu 26 de febreru, a les 21:00 hores, nel Teatru de la Llaboral. Morgan va presentar en Xixón el so tercer trabayu d’estudiu, The river and the stone, diez cantares nes qu’empezaron a trabayar tres el confinamientu en 2020 y que son amás la resultancia de “munches conversaciones, munches hores de creación conxunta y d’esfrutar de faer música con amigos”. Tres casi un añu de trabayu, el grupu viaxó a Francia pa grabar l’álbum nel estudiu Le Manoir de Léon al pie de Campi Campón na producción. Ta entemecíu por Stuart White en Los Ánxeles y masterizáu por Colin Leonard en Atlanta.

Morgan nació como proyectu nel 2012, cuando Nina de Juan (pianu y voz), enseñó les sos composiciones a Paco López (guitarra y voz) y a Ekain Elorza (batería). En 2015 grabaron el so primer álbum d’estudiu, North, autoeditado y distribuyíu por ellos mesmos. El discu salió a la vienta en febreru de 2016, coincidiendo cola incorporación d’Alejandro Ovejero como baxista y David Schulthess al tecláu de la formación, que yá empezaba a dar los sos primeros conciertos en formatu eléctricu. De magar, Morgan nun pararon de tocar en directu, percorriendo les sales de tola península o en festivales como Mad Cool o Sonorama.

A principios de 2018 publicaron Air, de nuevu autoeditáu, un discu cuayáu nel más del centenar de conciertos que dieron l’añu anterior. Amás d’escosar les entraes de munches de les sos actuaciones, como’l doblete nel Teatru Circu Price, y de tocar n’Irlanda o Reinu Uníu, tamién ganaron cinco Premios de la Música Independiente, ente ellos el de meyor artista, meyor álbum y meyor directu del añu en 2019.

Amás, a principios de 2020 ufiertaron un conciertu nel que revistieron d’arreglos sinfónicos el so repertoriu nel Teatru Real y mientres grababen The river and the stone, llanzaron en 2021 el so primer directu grabáu nel Circu Price de Madrid mientres los dos conciertos que la banda ufiertó ellí en xineru de 2019.

21/02/2022
Cultura celebra’l Día Internacional de la Llingua Materna con actividaes nel Muséu Arqueolóxicu, Tito Bustillo y La Llaboral

La Conseyería de Cultura, Política Llingüística y Turismu entama la fin de selmana próxima diversos actos enmarcaos nel Día Internacional de la Llingua Materna, que la Unesco celebra cada 21 de febreru pa recordar la importancia de protexer y favorecer el multilingüismu.

Les actividaes promovíes pola Conseyería de Cultura van celebrase nel Centru d’Arte Rupestre Tito Bustillo (Ribeseya), el Muséu Arqueolóxicu d’Asturies (Uviéu) y el Teatru de la Llaboral (Xixón), acordies col programa siguiente:

–       Sábadu 19. 12.00 hores: Estrenámonos n’asturianu. CAR Tito Bustillo.

El Centru d’Arte Rupestre Tito Bustillo presenta la versión en llingua asturiana de los sos recursos y conteníos, tanto físicos como virtuales. Asina, los visitantes van poder disfrutar esta xornada d’una visita guiada n’asturianu a les instalaciones del centru museográficu, qu’incorpora dende esta fecha dellos recursos gratuitos n’asturianu: audioguíes, mesmo pa públicu infantil que pa persones adultes, guía de mano del centru y cuadernu d’actividaes infantiles.

–       Domingu 20. 12.00 hores: presentación del llibru Entaína a escribir. Muséu Arqueolóxicu d’Asturies.

El llibru Entaína a escribir recopila los testos premiaos nes seis ediciones celebraes del concursu de microrrellatos improvisaos n’asturianu pa la xente mozo (2016-2021). Con ilustraciones d’ Alberto Pieruz, esta publicación inclúi 18 microrrelatos de los que son autores Raquel Fernández Menéndez, Inaciu Galán y González, Ánxela Gómez d’Ávila, Claudia Gutiérrez Lueje, Alma Hidalgo Lucena, Gonzalo Llamedo Pandiella, Pelayo Martínez Olay, Xurde Menéndez Caravia y Solinca Turbón.

–       Domingu 20. 17.30 horas: Vamos al teatru! en llingua asturiana. Teatru de la Llaboral (Xixón).

La compañía Kamante Teatru pon n’escena Con M mayúscula, obra qu’a partir d’una serie de situaciones corrientes en clave d’humor cavilga sobre cuestiones como l’amor posesivu, la incomunicación y l’anulación del otru. Empobinada a públicu familiar dende los 5 años, la obra recibió una Residencia del Programa d’Artes Escéniques del Centru de Recursos Escénicos del Principáu d’Asturies.

15/02/2022
El Arrebato y Kamante Teatro, esta selmana na Llaboral

El Arrebato y Kamante Teatro actúen esta selmana nel Teatru de la Llaboral.

El Arrebato, nome artísticu de Javier Labandón, va faer un viaxe musical al traviés de tola so carrera como intérprete y compositor esti vienres 18 de febreru, a les 19:30 hores. El Arrebato, una de les figures más carismátiques del panorama musical español, va celebrar los sos 20 años de trayectoria con temes llexendarios como Poquito a Poco, Ve despacito, Háblame del sur, A mi na´ ma´, Búscate un hombre que te quiera, Por un beso de tu boca, Un amor tan grande, Dime tu nombre, Hoy todo va a salirme bien, Mirando pa ti, Durmiendo en tu ombligo, Si la hubieras visto…

El domingu 20 de febreru, a les 17:30 hores, Kamante Teatru va representar en llingua asturiana Con M Mayúscula, una función pa públicu familiar incluyida na celebración del Día de la Llingua Materna.

Enrique Dueñes y Ici Díaz protagonicen esta obra empobinada por Luis Vigil que cunta la hestoria de dos tortúes que viven felices nuna llamarga hasta qu’una d’elles decide pensar por cuenta de les dos. Gracies a esta metáfora, ufiértase al públicu una serie de situaciones corrientes en clave d’humor que busquen faenos pensar sobre cuestiones tales como l’amor posesivo, la incomunicación y l’anulación del otru, nun espectáculu que recibió una Residencia del Centru de Recursos Escénicos del Principáu d’Asturies, proyectu con see en Llaboral Ciudá de la Cultura.

Les entraes tán disponibles na Recepción de la Llaboral, nel Centru d’Información Turística del Principáu (CITPA) n’Uviéu/Uviéu, nel Centru Niemeyer n’Avilés, vía telefónica nel 985 969 708, n’entraes.liberbank.es y na web de Llaboral Ciudá de la Cultura, onde se va comunicar cualquier cambéu na programación.

15/02/2022
El musical El Guardaespaldas, esta Selmana Santa nel Teatru de la Llaboral

El Teatru de la Llaboral acueye siete funciones del musical El Guardaespaldas esta Selmana Santa, del 13 al 17 d’abril. Llaboral Ciudá de la Cultura ye un equipamientu dependiente de la Conseyería de Cultura, Política Llingüística y Turismu y xestionáu pola Sociedá Pública de Xestión y Promoción Turística y Cultural del Principáu d’Asturies.

Tres la so triunfal estancia nel West End de Londres, llega a Xixón de la mano de LETSGO y ta basáu na aclamada película empobinada por Mick Jackson, escrita por Lawrence Kasdan (guionista de películes como L’imperiu contraataca, L’arca perdida) y protagonizada por Kevin Costner y Whitney Houston.

Con llibretu de Alexander Dinelaris, esti espectáculu ta dirixíu por Federico Bellone -ente los sos últimos trabayos destaquen la versión italiana de Mary Poppins (Disney y Cameron Mackintosh) y n’España Ghost, el musical y Dirty Dancing- y producíu por LETSGO, productora y promotora d’espectáculos con gran proyección internacional como la saga The Hole, Dirty Dancing, El Jóven Frankenstein, La Familia Addams, Ghost y Kinky Boots, que cunten con un absolutu ésitu de públicu.

El musical ta protagonizáu por Octavi Pujades, nel papel de Frank Farmer; Mireia Mambo como Rachel Marron; y Sonia Exea, quien da vida a Niki Marron. Completen l’elencu Teresa Ferrer (alternante Rachel Marron) y Jenn All (cover de Rachel y Nicki), Alonso Nsue (Bill Devaney), Sergi Albert (SY Spector), Alberto Cañes (Toni Scibelli), José María Ygarza (acosador), Pablo Ceresuela, Rubén Buika, Antonio Fago, Alejandro Fernández, Raúl Pardo, Tatiana Monells, María Reina, Raquel Caurín, Alba Dusmet y Ainhoa González.

La película empericotió a Whitney Houston y popularizó la so icónica cantar I will always love you. Amás d’esta tema, el musical contien munches otres de los cantares de la banda sonora orixinal –la más vendida de tolos tiempos y Grammy al Álbum del Añu– y otros grandes ésitos de la diva del pop como Run to you, I have nothing, So emotional, One moment in time, Queen of the night o I wanna dancie with somebody.

N’El Guardaespaldas, Frank Farmer, ex axente del Serviciu Secretu, ye contratáu pa protexer a la superestrella Rachel Marron d’un acosador desconocíu. Caún sabe qué esperar del otru. Lo que nun esperaben yera namorase.

Les entraes tán disponibles na Recepción de la Llaboral, nel Centru d’Información Turística del Principáu (CITPA) n’Uviéu, nel Centru Niemeyer n’Avilés, vía telefónica nel 985 969 708, n’entraes.liberbank.es y na web de Llaboral Ciudá de la Cultura, onde se va comunicar cualquier cambéu na programación.

26/01/2022
Café Quijano, Dani Martínez y La M.O.D.A actúen esta selmana na Llaboral

Café Quijano, Dani Martínez y LA M.O.D.A. actúen esta selmana nel Teatru de la Llaboral. Llaboral Ciudá de la Cultura ye un equipamientu dependiente de la Conseyería de Cultura, Política Llingüística y Turismu y xestionáu pola Sociedá Pública de Xestión y Promoción Turística y Cultural del Principáu d’Asturies.

El vienres 28 de xineru, a les 21:00 hores, Café Quijano vuelve a la Llaboral col so tour Manhattan, títulu del so nuevu trabayu y continuación del guo álbum superventas La tabierna del buda (2001), coincidiendo col 20º aniversariu de la so publicación. Manhattan ye la fiel continuación del soníu “quijano” de los sos primeros ésitos, al que se suma esi llinguaxe peculiar que caracteriza a toles composiciones del grupu con hestories que son puros curtiumetraxes. Nesta xira, amás de los nuevos temes, el grupu va faer una repasada de los sos boleros orixinales y de tolos ésitos collechaos nos sos 25 años de carrera.

Per otra parte, Dani Martínez trai el so show Ya lo digo yo! a la Llaboral, con dos funciones a les 18:00 y 20:30 hores pa les que s’escosaron les entraes. Nel so nuevu espectáculu céntrase en temes que pasen inalvertíos pa la mayoría de la xente, pa lo que s’ayuda d’una gran pantalla, música, efectos visuales y imitaciones nun show onde ta bien presente la improvisación.

El domingu 30 de xineru, a les 20:00 hores, La M.O.D.A. (La Maravillosa Orquesta del Alcohol) va presentar el so nuevu discu, Nuevo Cancionero Burgalés, inspiráu nel repertoriu popular de la so tierra, con lletres sacaes de los cancioneros populares de Federico Olmeda y Antonio José y música compuesta pol grupu. El colectivu, formáu por siete componentes, combina preseos como acordión, saxo, banjo, mandolina o clarinete con influyas variaes. Editó cuatro LP′s y un par de discos en directu y percorrió el circuitu de sales y festivales del país, amás de tocar en México, Colombia, Francia, Italia, Países Baxos, Irlanda, Reinu Uníu y Estaos Xuníos.

Les entraes pa los conciertos de Café Quijano y La M.O.D.A. tán disponibles na Recepción de la Llaboral, nel Centru d’Información Turística del Principáu (CITPA) n’Uviéu/Uviéu, nel Centru Niemeyer n’Avilés, vía telefónica nel 985 969 708, n’entraes.liberbank.es y na web de Llaboral Ciudá de la Cultura, onde vase comunicar cualesquier cambéu na programación.

24/01/2022
Quique González actúa esti vienres nel Teatru de La Llaboral

El Teatru de la Llaboral acueye esti vienres 21 de xineru, a les 21:00 hores, el conciertu de Quique González. Llaboral Ciudá de la Cultura ye un equipamientu dependiente de la Conseyería de Cultura, Política Llingüística y Turismu y xestionáu pola Sociedá Pública de Xestión y Promoción Turística y Cultural del Principáu d’Asturies.

Quique González vuelve a la Llaboral para presentar el so últimu trabayu, Sur nel valle, títulu inspiráu nesti vientu famosu na cornisa cantábrica, sobro’l que s’estiende un halo de misteriu y acomúñase a tou tipu de lleendes. Escritu na so mayoría dientro d’una vieya furgoneta GMC Vandura aparcada a lo cimero d’una llomba, el discu, más reflexivu que narrativu, inclúi 11 nuevos cantares y xuna pista escondida con un soníu nel que busca nuevos paisaxes sonoros y otorga mayor protagonismu a preseos acústicos como’l contrabaxu y la guitarra clásica.

Grabáu en payares de 2020 en La Casa Murao y producío por Toni Brunet, Sur nel valle ye’l decimotercer álbum de Quique González, que yá lleva más de dos décades de trayectoria musical. Respetáu pola crítica y con un públicu fiel, en el so discografía atopen títulos como Avería y redención, escoyíu como meyor álbum nacional de 2007 na revista Rolling Stone; Daiquiri Blues, col que realiza xuna esitosa xira per España y percuerre países como Arxentina, Estaos Xuníos, Canadá o Francia; o Delantrera Mítica, publicáu en 2013, qu’entró al númberu 1 na llista de vientes, ocupó la portada de Ruta66 y foi escoyíu meyor discu esi añu pa el llectores de la revista Rolling Stone.

Les entraes tán disponibles a un preciu de 35 euros pa foso y patiu de butaques (files 1 a 10), de 32 euros pa patiu de butaques (files 11 a 20) y palcos y de 25 euros p’anfiteatru. Les localidaes pueden adquirise na Recepción de la Llaboral, nel Centru d’Información Turística del Principáu (CITPA) n’Uviéu, nel Centru Niemeyer n’Avilés, vía telefónica nel 985 969 708, n’entraes.liberbank.es y na web de Llaboral Ciudá de la Cultura, onde se va comunicar cualquier cambéu na programación.

17/01/2022
Marisa Valle Roso estrena Lo Fugaz nel Teatru de la Llaboral

Marisa Valle Roso presenta Lo Fugaz nel Teatru de la Llaboral esti sábadu 15 de xineru, a les 20:00 hores. Nel conciertu na Llaboral, Marisa Valle Roso va estrenar el so últimu trabayu discográficu, nel que per primer vegada escribe y compon toes los cantares del álbum que va publicar esti 14 de xineru. L’artista asturiana yá presentó primeramente les temes Cantemos, sobro la igualdá, los derechos humanos, l’amor, el mieu, el pasu del tiempu, les decisiones, la hestoria o la superación; Desvirtuarte, cola so esencia folk y averándose al pop y electrónica; Títere o esclava, onde enceta la violencia de xéneru; y Tonada, na que xuega y reinterpreta el xéneru.

Lo Fugaz ta producíu por Charlie Bautista, con amiestos d’Iván González “Chapo” y con Bernardo Baragaño como director d’arte y fotografía.

Marisa Valle Roso ganó los principales concursos de tonada nel apartáu xuvenil. En 2009 grabó Un pasu más al pie de el so hermanu, un trabayu nel que fundía la tonada col jazz, y en 2011 publicaba en solitariu De lo fondero l´alma, un discu que recoyía los principales cantares de tonada coles que concursaba y col que recibió’l Premiu de la Crítica de Radio Televisión del Principáu d’Asturies como Meyor Discu de Cantar Asturianu del añu. Coles mesmes, Marisa Valle Roso foi estremada col Premiu Meyor Cantadora del añu dende 2006 a 2016 o colos Premiu AMES nel apartáu de Meyor Voz 2009 y Meyor Cantar Folk en 2018. En 2015 realiza la xira Marisa Canta a… versionando tarrezas de Chavela Vargas o Leonard Cohen; en 2016, la xira Suena la mina; y en 2017 publica Consciente, un trabayu personal que caltien el colores del folclore asturianu combinaos con sonoridaes contemporanees de xéneros como’l indie, el cantar d’autor o’l pop.

11/01/2022
La compañía De Carmela prepara El xardín del Arte na Llaboral

La compañía De Carmela atópase preparando la obra El xardín del Arte nel Teatru de la Llaboral hasta’l miércoles 15 d’avientu.

El xardín del Arte toma como puntu de partida l’ensayu Arte nuevo de faer comedies nesti tiempu de Lope de Vega y el cuadru El xardín de les delicies d’El Bosco pa desenvolver una comedia protagonizada por Eguzki Zubia, Patricia Rodríguez y Aitor Basauri, so la dirección de José Troncoso y producción de Carmela Romero.

Trés personaxes, nacíos de la pluma del escritor Lope de Vega, atopar énte’l famosu cuadru d’El Bosco y, ensin saber cómo nin por qué, sienten deseos de teletransportase a esa dómina pasada, una dómina pasada que va dexar al públicu pasiase pol Sieglu d’oru español y poles sos comedies y comediantes.

L’actriz, productora y distribuidora d’artes escéniques Carmela Romero ta al mandu de la compañía. Llicenciada n’Arte Dramático na Escuela Cimera d’Arte Dramático del Principáu d’Asturies, el so primer espectáculu teatral, ¡Ai, Carmela! de José Sanchis Sinisterra, llogró cuatro Premios Oh! en 2021 al Meyor espectáculu, Meyor producción, Meyor dirección y Meyor actor.

De Carmela atópase trabayando na Llaboral nel marcu del Programa de Residencies del Centru de Recursos Escénicos del Principáu d’Asturies, un proyectu con see en Llaboral Ciudá de la Cultura qu’ufierta sofitu a la creación artística de les compañíes profesionales asturianes, poniendo a la so disposición recursos económicos, instalaciones y medios técnicos qu’impulsen la creación escénica de profesionales de la rexón. Llaboral Ciudá de la Cultura ye un equipamientu dependiente de la Conseyería de Cultura, Política Llingüística y Turismu y xestionáu pola Sociedá Pública de Xestión y Promoción Turística y Cultural del Principáu d’Asturies.

13/12/2021