El Sporting xuega a les 21 hores (GolT) en La Romareda contra’l Zaragoza. El partíu, correspondiente a la xornada 22 de LaLiga, aplazóse’l vienres debíu al procesu gripal que sufrió nos últimos díes más de la metá de la plantiya xixonesa. Apenes se dio tiempu pa la recuperación y, magar qu’antieri paeció unviar el biltu, ayeri pela mañana volvió repicar.
Djukic lleva a Zaragoza a los 17 xugadores que tien con ficha del primer equipu. Tamién viaxen el guardemeta Christian Joel y los trés xugadores del filial Alberto Espeso, Pelayo Suárez y Garci ante’l riesgu de que pudieren producise más baxes d’última hora, lo que pel momento non se produció.
Por cuenta de el gripe, son baxa Borja López, Álvaro Vázquez, Pablo Pérez y Unai Medina. Los cuatro, con fiebre elevao, fueron unviaos esta mesma mañana a les sos respectives cases en llegando a Mareo. Queda por ver l’estáu físicu de los otros xugadores qu’en mayor o menor midida tuvieron tamién afectaos por esti biltu gripal. Nun se descarta que pueda haber más afecciones nes próximes hores. Hai una quinta baxa por cuenta de problemes musculares, Marc Valiente, que yá empieza a trabayar escalonadamente col equipu.
Nun hai sancionaos nel cuadru roxiblancu. Tán alvertíos con cuatro cartulines marielles Marc Valiente, Borja López, Babin, Carmona y Cristian Salvador. El Sporting va xugar cola so segunda equipación, de color negru. El Real Zaragoza fixo pública la so convocatoria, que quedó integrada por Cristian Álvarez, Álvaro Ratón, Carlos Vigaray, Juanjo Nieto, Pichu Atienza, Simone Grippo, Enrique Clemente, Alejandro Francés, Alberto Soro, Javi Ros, James Igbekeme, Raúl Guti, Íñigo Eguaras, Shinji Kagawa, Miguel Linares, Javi Puado, Álex Blanco y Luis Suárez.
Víctor Fernández quier «empezar con fuerza»
L’entrenador del Real Zaragoza, Víctor Fernández, señaló que «tenemos la obligación d’afaenos. La suspensión afectónos y ye una situación que nun resulta cómoda. Preparemos el partíu de la meyor manera posible y llegamos bien». Esplico que’l so oxetivu ye que los trés primeros puntos del añu 2020 quedar en La Romareda: «Lo importante va ser lo que nós síamos capaces de faer. El nuesu oxetivu ye ganar y arrincar el nuevu añu con muncha fuerza y col convencimientu de que tenemos de lluchar pol nuesu suañu».
Del Sporting citó dalgunes de les sos virtúes: «Ye unu de los conxuntos más complicaos de LaLiga y el so nuevu entrenador ye un nuevu estímulu, pero nun espero sorpreses a nivel de dibuxu tácticu. El Sporting ye un equipu que tien creatividá per dientro y esplosión enriba; amás d’esperiencia y oficiu tras».
