VESU ye finalista de los Iberian Festival Awards na estaya que premia al eventu más seguru de tolos festivales que se celebren na península ibérica. El festival de música independiente conviértese d’esta manera nel únicu representante asturianu na final que se va celebrar en Portugal el próximu 15 de marzu.
VESU que cuenta col sofitu de la Fundación municipal de Cultura del Ayuntamientu d’Uviéu y el consistoriu de La Ribera, llegó a la final na estaya de The Event Safety Award con otros cinco festivales. Rock in Río Lisboa y Expofacic representando a Portugal y los españoles Festival Gigante, Medusa y Calatafest. Va ser un xuráu profesional, el mesmu que-y da a VESU el sellu de finalista, quien va escoyer el ganador nesta estaya. Los premios van dase a conocer y van a entregase el próximu 15 de marzu n’Almancil, nel Algarve portugués.
VESU 2025, que va celebrase ente’l 20 y el 22 de xunu, torna a cuntar un añu más con Vibra Mahou que vuelve a demostrar asina’l so sofitu cola música en directu, y Asturies respaldando esperiencies cinco estrelles como esti festival que da’l pistoletazu de salida al branu y yá ye una cita imprescindible.
