Volotea conectará esti branu Asturies con nueve destinos nacionales. La aerollinia quier recuperar la normalidá tres l’andanciu de coronavirus que obligó al aeropuertu d’Asturies a cancelar tolos vuelos regulares. La compañía va operar con dos aviones dende la so base en Santiago’l Monte, cuando hasta agora facíalo namás con unu. Volará esti branu a Alicante, Ibiza, Málaga, Mallorca, Menorca, Murcia, Sevilla, Tenerife y Valencia.
L’oxetivu de Volotea ye amontar la ufierta de vuelos domésticos pa esti branu y ameyorar les conexones ente’l continente y les islles. Toles rutes van operar en xunetu de 2020. La compañía pon esti xueves a disposición de los viaxeros les nueves conexones pa 2020 con un total de 40 nueves rutes. N’Italia, Francia, España y Grecia, Volotea impulsa los vuelos domésticos con una ufierta cola que refuerza les conexones ente’l continente y les islles aumentando asina les opciones de los viaxeros de cara a les vacaciones de branu.
La aerollinia inaugura 15 nueves rutes en Francia, otres 15 n’España, 8 n’Italia y 2 en Grecia. De les 40 nueves rutes, 15 son esclusives. La compañía tamién va volar a 4 nuevos aeropuertos: Beauvais en Francia, Santiago de Compostela y Granada n’España y Bolonia n’Italia. «Tamos bien satisfechos de poder compartir la bona noticia del llanzamientu de les nueves rutes doméstiques. Sabemos que los nuesos veceros van querer viaxar más, especialmente nos destinos nacionales. Poro, afiximos la nuesa rede reforzando fuertemente toes nueses conexones doméstiques n’España, Francia, Italia y Grecia», comentó Carlos Muñoz, fundador y CEO de Volotea.
Volotea ye una de les compañíes aérees independientes d’Europa con mayor crecedera, amontando cada añu la so flota, el númberu de rutes operaes y la so ufierta d’asientos. Dende 2012 Volotea tresportó más de 25 millones de pasaxeros n’Europa.
