L’ayuntamientu de Xixón remató les obres d’enanche y pavimentación de los caminos de Ruseco y La Cuesta, allugaos na parroquia rural de Valdornón, que dan serviciu a nueve viviendes.
Pa iguar los baches, blandones y regateos que presentaben estos tramos, realizáronse dos escolleres de contención, dotóse a la parte de rede de drenaxe d’agües pluviales y estendióse y amaceró una capa de rodadura de tremáu asfálticu. Coles mesmes, los trabayos tamién consistieron na instalación de barreres de seguridá y la correspondiente señalización vertical y horizontal.
El proyectu, redactáu y empobináu dende la Sección de Brigaes del Conceyu, contempló l’actuación nuna superficie total de 980 metros con 135.737’80 euros de presupuestu y un plazu d’execución de 2 meses y mediu.
