Yá pueden consultase los 13 proyectos que se van valorar nel concursu d’idees de la remodelación y ordenación del ámbitu del paséu marítimu de Fomento-Poniente, en Xixón. Dende güei miércoles, 26 de mayu, los miembros del xuráu y la ciudadanía tienen accesu a la documentación presentada per caúnu de los proyectos concursantes almitíos.

Dientro del procesu d’información para dar a conocer los proyectos, va entamase una esposición permanente colos mesmu nel Muséu del Ferrocarril dende finales de xunu y hasta que tenga llugar la votación en septiembre. Otra esposición paralela va ser itinerante y va dir rotando pelos centros municipales.

El 14 de setiembre, primeramente a la votación ciudadana, va haber una xunta de deliberación del xuráu; la ciudadanía, pela so parte va poder votar los proyectos al traviés de la plataforma de participación del Conceyu del 23 al 30 de setiembre.

Una vegada conocida la resultancia de la votación ciudadana, el Xuráu va caltener una xunta de deliberación que ta prevista para’l 6 d’ochobre. Finalmente, el fallu del premiu y los accésits van dase a conocer nuna xunta que se va celebrar el 14 d’ochobre.

 

Consulta los proyectos