XIXÓN, 2 de xunu de 2022.- Xixón va emplegar una ferramienta teunolóxica que va permitir controlar les viviendes vacacionales de la ciudá que s’ufren a los turistes en dellos portales de búsqueda d’agospiu y pa persiguir a los qu’ufren pisos y cases nel conceyu presuntamente ensin llicencia. D’esta miente, con esta iniciativa búscase evitar la competencia deslleal escontra otros agospios, d’esta tipoloxía o otra, que sí tan daos d’alta y tienen la llicencia correspondiente.
L’aplicación presentóse güei nes oficines de Visita Gijón en Casa Paquet. Al actu aportaron Santos Tejón Llaneza, conceyal de Promoción Económica, Emplegu, Turismu y Comerciu; Dolores Patón Sabucedo, conceyala d’Atención a la Ciudadanía, Distritos y Urbanismu; Gonzalo Canga, direutor xeneral d’Urbanismu; y Daniel Martínez Junquera, direutor de Visita Xixón.
La ferramienta rastrexa toles ufiertes en Xixón qu’hai nos portales de búsqueda y asítiales nun mapa interautivu cola información del agospiu. Tamién va detectar si inclúi la llicencia na información. “Las VUT están obligadas a tener la signatura e incluirla siempre en la información que dan en las plataformas”, esplica Daniel Martínez Junquera.
L’aplicación da la posibilidá de consultar direutamente l’anunciu, onde apaecen les imaxes del pisu, de l’habitación y de la redolada y asina llocalizar al presuntu infrautor. Esti sistema nuevu va permitir comparar los datos con otres estayes municipales, como Llicencies y Actividaes (Urbanismu), pa garantizar la llegalidá y, en casu negativu, abrir un espediente. “Comprobamos si inició los trámites para la licencia de actividad. Si no, se da un plazo para que aleguen lo que estimen y para que regularicen la situación”, comenta’l direutor xeneral d’Urbanismu.
L’envís ye qu’el que nun tea llicencia la pida y regularice la situación, más allá d’un intentu por sancionar. “Queremos ejercer una labor disuasoria, no coercitiva”, asegura Santos Tejón.
“Esto va a servir para que afloren las viviendas ilegales. Consideramos que ahora no tenemos un problema, pero queremos anticiparnos a la experiencia de otras ciudades, evitar que se desplace el uso residencial o que se centralice en algunos barrios”, conclúi Dolores Patón, conceyala d’Urbanismu.
Nel casu de detectar irregularidades, el Conceyu de Xixón va comunicalo a la Conseyería d’Emplegu, Industria y Turismu del Principáu d’Asturies, que ye l’organismu competente pa dar llicencies autonómiques d’actividá y que tamién va poder abrir espedientes nel casu de comprobase les presuntes illegalidaes detectaes.
