El Conceyu de Xixón empecipia güei, llunes 18 de xineru, los llabores de caltenimientu de la parte peatonal de la Vía Verde de La Camocha, que van consistir na sustitución del arenón, esto ye, nel recebáu y arreglu del mesmu.
La primer actuación va llevar a cabu nel percorríu entendíu ente’l barriu de La Camocha y el túnel del vieyu ferrocarril mineru. Mientres duren los trabayos, alredor de 3 díes, va ser necesario cortar el pasu tantu a peatones como a ciclistes. La duración global envalorada de les obres va depender de los acumulaos de cada fase y de les condiciones meteorolóxiques, pero camienten que rematen en dos selmanes.
Formen parte del serviciu de caltenimientu y obra de los espacios del Arcu Medioambiental, contratu axudicáu a la empresa Talher S.A. en Xunta de Gobiernu de xineru de 2020.
