Esta mañana publicáronse les bases de la nueva convocatoria pa la selección y desenvolvimientu de proyectos en residencia n’El Palaciu. Residencies Artístiques y Acción Cultural mientres el períodu 2025-2026. El plazu pa presentar los proyectos va empezar al día siguiente, una vegada publicaes nel Boletín Oficial del Principáu d’Asturies, y va durar 30 díes naturales.
L’oxetivu fundamental de les mesmes ye sofitar el desenvolvimientu y producción de proyectos artísticos, d’investigación y de mediación nos siguientes ámbitos:
- Producciones nel campu de les artes plástiques y visuales.
- Producciones nel campu de les artes escéniques y performativas.
- Producciones nel campu del arte sonoro (non musicales).
- Producciones nel campu del arte dixital.
- Producciones audiovisuales con interés artísticu.
- Creación lliteraria.
- Proyectos curatoriales y d’investigación en relación a los campos artísticos mentaos nos puntos anteriores.
- Proyectos de mediación cultural ya investigación n’educación artística.
Van escoyese un máximu de 10 proyectos que van tener llugar ente’l branu de 2025 y la primavera de 2026. Caún de los proyectos va poder tener una estancia mínima pal so desenvolvimientu d’un mes y un máximu de cinco meses.
La asignación económica destinada a la producción del proyectu y honorarios va ser 4.000 euros (impuestos incluyíos) por proyectu, destinaos a la producción del proyectu escoyíu. 800 euros (impuestos incluyíos) por mes de residencia per proyectu, en conceptu d’honorarios.
Ente los criterios del procesu de selección, siquier un 30% de los proyectos escoyíos va corresponder a ceadores o ceadores con enraigono nel Principáu d’Asturies. Y a lo menos un 30% de los proyectos escoyíos va corresponder a creadores emerxentes, ye dicir persones menores de 35 años.
