Esti xueves, tres finar el mandatu de 4 años de los cargos directivos de l’Academia de la Llingua Asturiana, féxose’l procesu electoral en xunta estraordinaria y darréu d’ello
salió escoyida, otra vuelta y por unanimidá, la dirección encabezada por Xosé Antón González Riaño.
Siguen como Vicepresidenta Marta Mori d’Arriba; Secretariu, Xosé Ramón Iglesias Cueva; Vicesecretaria, Carme Muñiz Cachón; y como Ayalgueru, Carlos Lastra López.
Con esti segundu mandatu, la dirección quixo dar anuncia de que «va siguir col llabor
desendolcáu hasta agora nos ámbitos sociales y de normativización del idioma, al empar que trabayará fondamente por siguir nuna xera qu’ha empobinar, ensin dulda, hacia’l llogru de la oficialidá de la llingua hestórica de tolos asturianos y asturianes».
