El Presidente d’Asturies, Adrián Barbón, espresó esta mañana na Xunta Xeneral y mientres l’alderique de control al Gobiernu’l so enfotu en qu’a lo llargo de la llexislatura actual pueda llegase a reformar l’Estatutu d’autonomía d’Asturies, incluyendo nél la oficialidá del asturianu.
Barbón fixo un llamáu tamién a evitar los conflictos: «Hemos escaecer las provocaciones y buscar un consensu tresversal sobre’l modelu d’oficialidá que más alantre se pueda treslladar al Estatutu».
Pal presidente socialista «nesta llexislatura tenemos la oportunidá de que se llogre» pero reclamó «dexanos d’esparabanes y sobreactuaciones por cuenta del asturianu».
