Desvíos y retenciones el domingu pola VI Carrera Popular Dona Vida

La prueba, que va salir de la sablera de Poniente, va percorrer un total d'ocho mil metros pelos barrios d'El Natahoyo, La Calzada, Moreda y Xove

0
967
Imaxe de la carrera popular Dona Vida del añu pasáu. / Adrián Álvarez
La carrera del añu pasáu. / Adrián Álvarez

El Centru Comuñal de Sangre y Texíos d’Asturies entama esti domingu 2 de xunu la VI Carrera Popular Dona Vida. La prueba, que va salir de la sablera de Poniente a les once de la mañana, va percorrer un total d’ocho mil metros pelos barrios d’El NatahoyoLa Calzada, Moreda y Xove. La carrera celébrase cola oxetivu de recordar a la población la necesidá de llograr donaciones suficientes de sangre, órganos, médula espinal y otros texíos.

La carrera va salir de la zona de sablera de Poniente pa percorrer l’avenida de Galicia, Cuatrocaminos, l’avenida Eduardo Castro, El Lauredal y Fátima. La circulación del tráficu va vese afectada nestes zones. Los autobuses d’EMTUSA van sufrir esviadures puntuales y retenciones según se desenvuelva la prueba deportiva. La complexidá de la prueba va obligar a torgar y abrir el pasu nes víes afectaes. Les circunstancies de les esviadures van dir variando, pudiendo haber momentos nos que’l serviciu quede atayáu de forma provisional al pasu de los participantes.

La VI Carrera Popular Dona Vida va cuntar con un sistema de cronometraxe con dosal chip. La participación va poder efectuase en distintes categoríes competitives que van recibir los sos correspondientes premios. Al rematar la entrega de premios realizaráse un sortéu de regalos ente los participantes.