La banda xixoniega afincada en Madrid, Drugos va dispidir l’añu con un conciertu na sala Albéniz de Xixón el 30 d’avientu. Sobre’l fechu de volver a la so casa a tocar, el grupu amuésase perilusionáu: “tamos encantaos de volver a casa: siempre son mui especiales los conciertos en Xixón yá que lo echamos mucho de menos y siempre lo llevamos por bandera y ta presente nes nuestros cantares. Amás, el nuestru primer conciertu foi equí y ye un ‘extra’ d’ilusión tocar nuna sala como l’Albéniz”.
La banda vien de tocar en ciudades Zaragoza, Bilbao, Barcelona, Madrid o Valladolid van ser les ciudades per onde va pasar la so xira ‘Todo Arde’ tres de llenar sales de Madrid como El Sol, Galileo, Moby Dick, Siroco o Libertad 8, asina como La Salvaje n’Asturies, o tar nel festival Metrópoli, Náutico de San Vicente o’l propiu estadiu de fútbol El Molinón. Amás, nel 2022 foron reconocíos col premiu “Siroco” a la meyor banda revelación. Con esti reconocimientu vuelven a la so ciudá cola expectativa de que “la xente lo pase tan bien como nós” ya que ye un show que “tan preparando muncho” y pal que-yos costó escoyer el repetoriu, al contar yá con 37 cantares espublizao.
Sobre’l so 2u discu ‘Todo arde’ del que van tocar gran parte despliquen que: “nin ye lo mesmo de siempre nin rompemos colo anterior, hai una evolución natural. L’estilu ye’l mesmu, anque lo enfocamos dende otros puntos, amestamos la nuestra vertiente más pop y la más rock. Hai cantares mui cañeros y a la vez mui melódicos.Tamién ye un discu con munchos altibaxos no anímico: los cancios allegres son mui allegres y les tristes son mui tristes, entós aportamos les nuestres histories que cuntamos al traviés de la música”.
El sábadu 30 d’avientu a les 20:30 na sala Albéniz de Xixón va ser el so conciertu de la xira ‘Todo arde’ pal que yá se puen adquirir les entraes anticipaes – 12 euros si ye la entrada y 32 si esta inclúi vinilu – en Wegow.
Deja una respuesta