El Conceyu suspende’l cobru de los préstamos de Xixón Impulsa

0
593
Cristasa

El Conceyu de Xixón suspende mientres los vinientes tres meses el cobru de les cuotes de tolos préstamos participativos otorgaos per Xixón Impulsa. Ye una de les midíes adoptaes pa desaniciar los efectos económicos del estáu d’alarma. El Conceyu tampoco va facturar mientres el mes d’abril los arrendamientos y servicios emprestaos a toles empreses instalaes nos edificios empresariales que xestiona esta empresa municipal. Coles mesmes establecióse un sistema de pagu selmanal de les factures recibíes polos provisores de servicios, suministros y obres.

El Conceyu suspendió tamién el cobru de tolos servicios que nun puedan tar siendo emprestaos. Esti ye’l casu de les escueles infantiles de 0 a 3 años, el comedor escolar y el programa 11×12. A les families que yá pagaren estos servicios por adelantao, va devolvése-yos el dineru correspondiente a los díes de suspensión de los mesmos. Esta midida súmase a l’aprobación esti martes d’una ayuda de 120 euros destináu a les families que cunten con beques comedor. La midida va favorecer a unos 3.000 neños.