El Gobiernu d’Asturies autorizó güi un gastu de 6,5 millones pa formalizar 70 nuevos contratos predoctorales del programa Severo Ochoa mientres 4 años col oxetivu de caltener talentu científicu y completa’l plan d’ayudes al desarrollu de la carrera investigadora qu’entamó’l Principáu esti añu.
Como novedá, la Conseyería de Ciencia, Innovación y Universidá va abrir la convocatoria a persones matriculaes en estudios de master que tengan intención d’aniciar la carrera investigadores ya inscribise nun doctoráu. La intención ye ganar tiempu y que pueda dir evaluándose la solicitú mientres cursen estudios de posgrao. D’esta manera, van cuntar con un contratu dende l’aniciu de la so tesis doctoral.
Les 70 places nueves van sumase a les otres 200 investigadores qu’anguaño esfruten d’una ayuda Severo Ochoa n’Asturies. Nos dos postreros años, el Principáu aumentó’l númberu d’ayudes en 15 contratos anuales.
