Emtusa refuerza les llinees 25, 14 y 1

0
610

Emtusa va reforzar a partir de mañana les frecuencies de les llínees 25, 14 y 1. Tamién se van sustituyir los autobuses normales por articulaos nes llínees 10, 15 y 2, ente les 7 y les 7.30 hores de la mañana. La frecuencia de les llínees amenorgóse al 40% esti llunes xenerando aglomeraciones en dalgunos momentos. Los abonos mensuales prorróguense automáticamente mientres se caltenga l’estáu d’alarma.

Los autobuses circulen de baldre dende’l sábadu. La empresa municipal ta priorizando les llinies que contecten l’Hospital de Cabueñes, el Parque Tecnolóxicu y los polígonos industriales. La entrada y salida de los autobuses realizase poles puertes traseres dexando llibres los asientos de les zones más cercanes al conductor para caltener la distancia de seguridá. Los autobuses detiénense, por defectu, en toles paraes, pa que nun sía necesariu solicitala. Los vehículos desinfestase a diariu. Los servicios nuecherniegos nun circulen hasta nuevu avisu.

La empresa municipal tamién anunció l’ampliación del plazu de presentación d’instancies pa participar nel procesu de selección de conductores d’autobús.