Emulsa desinfestó’l perímetru de les empreses que tán realizando la esterilización y reciclaxe de mázcaros médicos nel polígonu de Somonte. Nesta xera, emplegóse un camión cuba y una baldeadora con una solución d’agua, llexía y tensoactivos.
D’esta forma, garantízase la hixene y seguridá d’un área nel que se ta desenvolviendo un proyectu clave de la llucha sanitaria contra’l coronavirus.
Coles mesmes, EMULSA ta encargándose de la desinfección de los hospitales de Begoña y Cruz Roja. Estos trabayos repítense trés vegaes a la selmana. Los esteriores del Hospital de Cabueñes y de Xove, pela so parte, tán siendo desinfestaos pola empresa axudicataria del contratu de cuidu de les zones verdes municipales de la zona rural. Esta compañía, xunto con Emulsa. La selmana pasada remataron les actuaciones nes árees de Serín, L’Abadía Cenero, Ruedes, Llorio, Samartín de Güerces, Llavandera, Fano, Valdornón y Santurio. Toes estes acciones fueron coordinaes pol Conceyu de Xixón pa combatir l’espardimientu de la Covid-19.
