Más de cien efectivos van velar pola seguridá en San Xuan

0
688
Más de cien efectivos van velar pola seguridá na foguera de San Xuan

Un total de 112 efectivos van integrar el dispositivu establecíu para garantizar la seguridá na sablera de Poniente mientres la foguera de San Xuan. Policía Nacional, Llocal, Bomberos, Salvamentu, Teatru Xovellanos, Protección Civil y persones de seguridá privada van participar d’esti dispositivu.

La Policía Llocal va prohibir l’aparcamientu mientres la foguera de San Xuan na cai Rodríguez Sampedro, ente la cai Pedro Duru y el Muséu del Ferrocarril. Tampoco se va poder dexar el coche na Travesía de Fomentu. Estos espacios van tar dedicaos al allugamientu de los vehículos de los servicios de seguridá y asistencia sanitaria.

El tráficu va esviase pola cai Marqués de San Esteban, dende onde va poder dirixise hacia L’Humedal. Los conductores que circulen hacia la zona oeste van poder utilizar les aveníes de la Constitución y Portugal y la cai Carlos Marx. El tráficu qu’apuerte dende la plaza de Máximu González hacia’l centru urbanu va poder faelo pela avenida de Juan Carlos I y la cai Marqués de San Esteban.