Les figures de Playmobil vuelven al Centru de Recepción ya Interpretación del Prerrománicu Asturianu. Dende’l 10 de mayu al 29 de setiembre’l públicu puede vese Mini épica en Cuadonga. La batalla Playmobil, una recreación de la épica batalla, un finxu que marcó l’orixe del Reinu d’Asturies y supunxo l’entamu del relatu posterior, de gran relevancia na nuesa hestoria.
Juan Luis Díez Martínez y Juan Luis Alonso Aristizábal, profesores y apasionaos de la hestoria, son los autores del montaxe. Dambos busquen espublizar episodios históricos relevantes al traviés d’estos famosos personaxes, averando al públicu infantil y adultu a esta temática d’una manera entretenida.
Mini épica en Cuadonga. La batalla Playmobil puede visitase de forma gratuita nel horariu d’apertura del Centru del Prerrománicu Asturianu y pa esti branu van entamar dos talleres infantiles coincidiendo con esta amuesa: Mi vela Playmobil (14 de xunetu y 17 d’agostu) y Modelando mi Playmobil medieval (27 de xunu y 15 de setiembre).
