L’Ayuntamientu de Xixón entama’l llunes, 30 de payares, les obres del carril bici que va conectar l’Avenida Juan Carlos I y la rotonda de la Estación de Xixón-Sanz Crespo so la cai de Carlos Marx.
Va tener un anchu de 2’50 metros y va dar continuidá al trazáu de la cai Mariano Pola, ampliando d’esta manera les conexones de la rede urbana de carriles y ciclocarriles en distintos barrios de la ciudá. Amás, va remodelase’l pasu piatonal actual pa enanchalo hasta los 4 metros.
Mientres la execución de los trabayos, que van durar aprosimadamente 3 selmanes, va ser necesario cortar el tránsitu piatonal y ciclista, disponiendo como alternativa la ponte de Carlos Marx.
Esta actuación forma parte del proyectu de meyora del carril bici urbanu en Xixón axudicáu en Xunta de Gobiernu’l 22 de setiembre a Alvargonzález Contrates por un preciu de 199.995’76 euros I.V.A incluyíu con un plazu d’execución de dos meses.
