L’Ente Públicu de Servicios Tributarios va volver a entamar l’atención presencial dende’l próximu llunes, 1 de xunu. Les oficines del serviciu permanecíen pesllaes al públicu’l pasáu 16 de marzu, tres la declaración del Estáu d’Alarma pol andanciu de coronavirus. L’atención presencial va alcordase siempre al traviés de cita previa, que va poder solicitase, a partir del próximu xueves 28 de mayu, per dos víes: al traviés del corréu electrónicu citaprevia@tributas.es y del teléfonu 985 66 87 30.
