Iniciativa pol Asturianu reclamó esti miércoles al Conceyu de Xixón l’usu del asturianu nes comunicaciones del Serviciu de Salvamentu de Xixón. Acabantes de salir la llicitación del contratu técnicu de la megafonía, la organización animó a usar la llingua asturiana dientro d’estes comunicaciones relatives a les hores, la temperatura y del serviciu de Salvamentu de les sableres.
La organización pide esti cambéu porque «daría muncha visibilidá y normalidá al idioma» n’espacios tan visistaos como son les sableres. «Ye mui necesario que l’asturianu vaya ganando pesu en diferentes ámbitos y siga llogrando un usu normal de la llingua asturiana», señalen. L’asociación destaca qu’esta midía nun supondría un costu estra pa l’Alministración. Pa finar, Iniciativa pol Asturianu recordó qu’esta solicitú nun afeuta a la llitación del contratu nin implica la so modificación.
