Dende Goya hasta Kurosawa, pasando per Chagall o Buñuel, munchos artistes visuales plasmaron los sos suaños nes sos obres. Pedro Lombardía de Lillo (L’Entregu, 1961) presenta agora na Sala d’Esposiciones de la Universidá d’Uviéu la so esposición Onírica, un trabayu integráu por 23 llenzos nos que l’artista revela los pensamientos más fonderos del so universu creativu. L’amuesa, que va inaugurase mañana, a les 19:00 hores, cola presencia de Carmen Adams, vicerrectora d’Estensión Universitaria y Proyección Cultural, va poder visitase nel Edificiu Hestóricu hasta’l 19 d’avientu.
«Cuando duermo, descanso, cuando suaño non», señala l’autor nel catálogu qu’acompaña la esposición. «Resulta placentero, inquietante y misteriosu cualesquier suañu de cualesquier nueche. Los que tengan la fortuna de llegar a vivir 75 años, van pasase 25 d’ellos durmiendo, suañando», añede. «Nun podemos arrenunciar a esa esperiencia vital tan intensa y prolongada, yá que mientres suañamos vivimos, sentimos alegría y padecemos sufrimientu; igual que cuando tamos despiertos, inclusive eses vivencies son más riques por nun tener llímites físicos, morales o de la razón» comenta l’artista. Na so opinión, ye necesariu mirar esos años de suaños como parte fundamental del nuestru viaxe per esti mundu.
María José González Salas, profesora d’Historia del Arte, destaca que nun ye namás la descripción d’un suañu, son 23 llenzos que revelen el xeniu creativu del artista «porque Pedro pinta y cuando lo fai crea un mundu diferente con un llinguaxe conceptual onde se fai un mecigayu de lo figurativu y lo abstractu.
A xuiciu d’esta esperta, hai amás nes sos pintures «algo subliminal, ancestral que nos avera al arte prehistóricu de signos puntiformes, pectiformes, onduliformes… a les pintures medievales francorromániques de fondos blancos, a los llibros iluminaos de miniatures brillantes, al mundu llíricu de Kandinsky o al surrealismu de Miró».
A juicio de esta experta, hay además en las pinturas de Lombardía de Lillo “algo subliminal, ancestral que nos acerca al arte prehistórico de signos puntiformes, pectiformes, onduliformes… a las pinturas medievales francorrománicas de fondos blancos, a los libros iluminados de miniaturas brillantes, al mundo lírico de Kandinsky o al surrealismo de Miró”.
