Xixón al día

Categoría: Ociu

  • Estos son los conciertos de la fin de selmana en Xixón

    Estos son los conciertos de la fin de selmana en Xixón

    La Selmana Grande sigue la so andadura y esta fin de selmana, ye’l turnu de dellos artistes que se van xubir a les tables de los escenarios repartíos pola villa de Xixón. Estos son los conciertos que se van poder esfrutar mientres la fin de selmana:

    Vienres 11 d’agostu:

    • Arte na cai:
      • Rock and Rockets – Parque de Los Locos (Nuevo Roces). 20:00 hores.
      • Increíble pájaro metálico – Playa d’El Arbeyal. 20:00 hores.
      • Fiebre Rocafori – Paseo de Begoña. 20:00 hores.
    • Furious Monkey House – Plaza Mayor. 21:00 hores.
    • Dani Fernández – Poniente. 23:00 hores.

    Sábadu 12 d’agostu:

    • Arte na cai:
      • Ruta del Sur – Paseo de Begoña. 13:00 hores.
      • Macavera – Plaza de la República. 20:00 hores.
      • Bus 15 – Arbeyal. 20:00 hores.
      • Cinema in Paradiso – Campu Valdés. 20:00 hores.
    • Recycled J – Plaza Mayor. 21:00 hores.
    • The Human League – Poniente. 23:00 hores.

    Domingu 13 d’agostu:

    • Arte na cai:
      • XLI Concurso de Canción Asturiana «El Comercio» – Plaza Mayor. 12:30 hores.
      • Grupo folklórico El Xolgoriu – San Xulián de Roces. 13:30 hores.
      • Los Forajidos – Paseo de Begoña. 20:00 hores.
      • Juanjo Zamorano y Los Repuestos – Playa d’El Arbeyal. 20:00 hores.
      • Pesto sin pasta – Plaza de la República. 20:00 hores.
    • The Black Angels – Plaza Mayor. 21:00 hores.
    • Kiko Veneno – Poniente. 23:00 hores.
  • Marea llega a Xixón esti 15 de xunetu

    Marea llega a Xixón esti 15 de xunetu

    El 24 d’avientu de 1997, cinco chavales que respondíen a los nomes de Kutxi, Kolibrí, César, Piñes y Alén, xuntábense por primer vegada nunos locales d’ensayu pela redolada de Pamplona pa, ensin querer queriendo, empezar a transitar per una sienda vital y musical que primeramente tuvo por nome La patera, y qu’agora toos conocemos como Amoria. La banda aniciada en Berriozar cumple por tanto  25 años y celebrarálo, como nun podía ser d’otra manera, cola xira Sin riendas 2023, y col llanzamientu d’un nuevu álbum, Los potros del tiempo.

    El día 15 de xunetu, Xixón va acoyer, nel recintu Xixón Life, una de les 24 cites que conformen esti periplu de conciertos, nos que Bocanada va exercer como grupu invitáu dende les 22:30 hores.

    Como ye lóxicu, estes actuaciones sirvirán-y a la banda pa festexar la so onomástica de plata y volver xubir al escenariu un bon puñáu de los clásicos atesoraos a lo llargo de cinco llustros, pero tamién pa presentar el so nuevu trabayu d’estudiu. Amás, l’álbum llegó a esti mundu de la meyor de les maneres posibles, superando en demasía les mires de vienta más optimistes, lo que nun fixo sinón confirmar que Marea cuenta con un públicu más que fiel qu’amás crez inexorablemente col pasu de los años.

  • L’espectáculu internacional Candlelight alluma con música’l branu xixonés

    L’espectáculu internacional Candlelight alluma con música’l branu xixonés

    El branu xixonés va allumase colos conciertos Candlelight, una serie de presentaciones especiales que van empezar con un conciertu de Tributu a Coldplay. Esta espansión a Asturies vien de la mano del ésitu de la esperiencia, llevando l’esfrute a audiencies en más de 100 ciudaes a nivel mundial, incluyendo ciudaes como Madrid, Barcelona, París, Londres o Nueva York.

    Los primeros conciertos van vese na Colexata de San Juan Bautista allumada per miles de veles, lo que va dexar a los y les espectadores somorguiase por completu nun programa afechu’l 8 de xunetu, convidando a una audiencia, que seique nunca antes considerara un conciertu de música clásica, conectar coles pieces más icónicas de grandes compositores y escuche los meyores ésitos d’artistes conocíos d’una manera distinta.

    Los conciertos Candlelight son una serie de conciertos de música orixinal creaos por Fever
    coles mires de democratizar l’accesu a la cultura al dexar que persones de tol mundu esfruten de música en vivu, interpretada por músicos locales n’espacios emblemáticos, allumaos per miles de veles.

    Candlelight concibióse primeramente como un ciclu de música clásica con conciertos que presentaben obres de los más grandes compositores como Vivaldi, Mozart o Chopin. Agora, la llista de programes ye cada vez mayor ya inclúi una amplia variedá de temes y xéneros, como tributos a artistes contemporáneos ente los que s’atopen Queen, ABBA, Coldplay y Ed Sheeran, según programes dedicaos al K-Pop, bandes sonores de películes y munchos más.

    Esta esperiencia multisensorial tamién evolucionó pa presentar distintos elementos como baillarinos de ballet o artistes aéreos, amás d’otros xéneros: jazz, soul, ópera, flamencu y más.

    Nel casu de Xixón, estes son les esperiencies:

    • Candlelight Tributu a Coldplay – 8 de xunetu (sold out) y 12 d’agostu en dos sesiones: 19:00 y 21:00 hores.
    • Candlelight Las Cuatro Estaciones de Vivaldi – 5 y 25 d’agostu en dos sesiones: 19:00 y 21:00 hores.
    • Candlelight Tributu a Hans Zimmer – 29 de xunetu (sold out) y 26 d’agostu en dos sesiones: 19:00 y 21:00 hores.
  • La Comic Con de Metropoli entama con 3 díes enllenos d’artistes

    La Comic Con de Metropoli entama con 3 díes enllenos d’artistes

    Una edición nueva de la Comic Con de Metrópoli entama esti 6 de xunetu y va allargase hasta el próximu domingu 9, momentu nel que va clausurase tanto esti eventu como’l propiu festival Metrópoli Xixón, que celebra yá diez ediciones nel recintu ferial Luis Adaro.

    Nesta ocasión, los principales invitaos van ser Anthony Daniels y Romita Jr. La fama mundial del primer artista vien precedida pol so papel como C-3PO na saga Star Wars. Nun entamu, cuando George Lucas ufiertó-y el papel “d’un robot”, Daniels refugólo, anque en lleendo’l guion afayó qu’esti podría llegar a convertise nun personaxe bien especial. De magar, y anque participó n’otres producciones, la so carrera tuvo estrechamente amestada a esti personaxe, emprestándo-y la so voz en series animaes o videoxuegos. Un datu quiciabes non bien conocíu sobre l’actor ye que tamién participó na saga El Señor de los Aniellos, siendo la voz de Légolas na versión de 1978 de Ralph Bakshi.

    El dibuxante estadounidense John Romita Jr. va ser unu de los platos fuertes d’esti décimu aniversariu nel Festival Metrópoli. La so trayectoria profesional empezó trabayando pa Marvel, compañía para la que trabayó dende 1977 hasta 2014 de forma ininterrumpida.
    El so ésitu como dibuxante de cómics empecipiar en Reinu Uníu como cocreador de numberoses hestories de Spider Man ente 1960 y 1970, siendo’l so debú n’América con
    este mesmu personaxe, concretamente cola hestoria de seis páxines titulada ‘Chaos at the Coffee Bean!’ nel númberu 11 de Amazing Spider-Man Annual de 1977. Sol sellu de Marvel trabayó con otros personaxes, como Iron Man, Duende, Juggernaut, X Men o Daredevil.
    Más apocayá, Romita tamién collaboró col escritor Neil Gaiman na reinterpretación
    de ‘Los Eternos’ de Jack Kirby, y con Greg Park nel crossover de 2007 de Marvel, ‘World War Hulk’. En 2014 el dibuxante fichó por DC pa trabayar en Superman xunto al guionista Geoff Johns, anque tornó a Marvel per tolo alto en 2021.

    Xunto a estos artistes, van tar Antonio Resines, David G. Galindo, Salva Espín, carismáticu dibuxante murcianu o Leticia Dolera, ente munches otres. Una Comic Con que, de xuru, nun va defraudar.

  • Mägo de Oz tresforma la nueche de Xixón nuna fiesta pagana

    Mägo de Oz tresforma la nueche de Xixón nuna fiesta pagana

    El recintu ferial Luis Adaro abrió un día más les puertes a Metrópoli, nuna xornada dominical onde la xente aprovechó pa visitar ún de los festivales clave del branu xixonés y yá dende primer hora de la tarde’l públicó entamaba a aportar y pasiar peles esposiciones, puestos… ya inclusive a esperar a que la seguridá dexara pasu al escenariu principal, onde magar de les 22:30 iba empecipiar l’actuación musical programada pal domingu.

    Metrópoli punxo ayeri fin a la primer fin de selmana del festival. Y fíxolo al ritmu del folk metal del ya llexendariu grupu madrilanu Mägo de Oz, que llegó a Xixón cola so nueva formación y esfrutando de la so xira 35º aniversariu.

    Yeren poco más de les 22:30 cuando les lluces del escenariu s’apagaron y empezó a sentise’l prólogu d’unu de los discos qu’encumbró a Mägo, Finisterra. Darréu, del backstage surdió la banda encabezada pol batería Txus di Fellatio y qu’amosaba en Xixón una formación nueva colos vocalistes Rafa Blas, Charly López y Xana Lavey. A ellos, sumóse la vuelta al grupu de Jorge Salán y la collaboración en delles canciones de Diego Palacio, l’asturianu que forma parte del grupu Celtian.

    D’esta mena, la banda repasó dalgunos de los cantares más míticos, como Satania, Satanael o Jesús de Chamberí. A poco y a poco, l’ambiente foi caldiándose hasta’l momentu final, nel que’l guitarrista Jorge Salán ufrió al públicu un solu enantes de pesllar con tres de los cantares más conocíos de la banda.

    Foi’l momentu de sentir Molinos de viento y La costa del silencio. Los últimos momentos del conciertu yeren, como nun podía ser d’otra manera, pa unu de los cantares más reconocíos de la hestoria de la música española: Fiesta pagana. Tres d’ello, el grupu al completu salió a agradecer al públicu la ovación que llevaron tres el remate y mientres sonaba The best, de Tina Turner. Una nueche na que se celebró una fiesta pagana en Xixón.

    La celebración de Metropoli nun remata y, per delantre, queden entá otros 7 díes de música, onde amás de tolos espacios abiertos al públicu, van tocar estos artistes:

    • 3 de xunetu – Kitai (21) y Lit Killah y Enol (22.30)

    • 4 de xunetu – Lágrimas de Sangre (21) y Camela (22.30)

    • 5 de xunetu – Huecco (21) y Sidecars (22.30)

    • 6 de xunetu – Muñeco Vudú (21) y Nicki Nicole (22.30)

    • 7 de xunetu – El Niño Lord.Cah y Kyr4 (20) y MClan (22.30)

    • 8 de xunetu – Nanpa Básico (21) y Ayax y Prok (22.30)

    • 9 de xunetu – Fusa Nocta y Ramudo (20) y fiesta Bresh (22.30)

     

  • Lola Índigo estrena Metrópoli énte’l calor de la xente

    Lola Índigo estrena Metrópoli énte’l calor de la xente

    Muncho antes de qu’empecipiara una edición nueva de Metrópoli (que yá son diez cola d’esti añu), l’ambiente alredor del recintu ferial Luis Adaro ya daba cuenta de lo que diba pasar unes hores dempues. Al rodiu de les tres de la tarde y aguantando la calor d’un día braniegu de xunu, varies persones yá aportaren a la puerta pa esperar al entamu, pa esperar y poder garrar un bon sitiu pa ún de los platos fuertes de la edición d’esti 2023.

    Lola Índigo foi la encargada ayer (xunto con Nía nel escenariu Thunder Bitch) d’echar andar Metrópoli. Y lo fizo énte 10.000 persones qu’enllenaben tol espaciu destináu a los conciertos ya inclusive más. Pasaben un poco más de les 22:30 cuando l’escenariu quedó ensin lluz y empezaron a sonar les primeres músiques que yá fixeron gritar a ún públicu onde la mocedá yera una clara mayoría y que dexara dende va díes un sold out nes taquilles.

    La granadina que pasara por Operación Triunfo amosó nel escenariu El Águila que tien unos fans envidiables que la siguen alló onde va, entá más nesti «Dragón Tour», onde l’artista salió d’un güevu blancu y causó la sensación del públicu tres cantar «An1mal» y llanzar un «¡Puxa Asturies!»

    Tres esti entamu y col públicu yá entregáu, llegó’l tiempu de que sonaren grandes hits como «La niña de la escuela» o «4 besos» mientres que reivindicaba la llibertá d’espresión y de les muyeres, sobre manera, envuelta nun xuegu de lluces y coreografíes nes que se dexó la piel. Pa dalgunos asistentes, faltó «Lola Bunny». Sicasí, naide salió decepcionao d’esti primer día de Metrópoli.

    Güei ye’l turnu de Drugos magar de les 21:00 y de Daviles de Novelda y 3Pac a partir de les 22:30. Metrópoli nun fizo namás qu’empezar.

  • Metropoli Xixón arranca cola música de Lola Índigo

    Metropoli Xixón arranca cola música de Lola Índigo

    Averase nestos díes al recintu ferial Luis Adaro ye sentir como l’ambiente arreciende a Metrópoli y cómo los espacios van enllenándose de la maxa de la esposición de Disney, dellos puestos de tou tipu de gastronomía o d’un escenariu pel que van pasar dalgunos de los meyores artistes del panorama nacional ya internacional.

    Metrópoli Xixón empecipia güei vienres 30 cola música de Lola Índigo, yá convertida nuna estrella internacional. Grandes éxitos y bailles espectaculares van facer esta nueche única nel escenariu El Águila. Previamente, nel escenariu Thunder Bitch, va ser el momentu de Nia, ganadora del concursu Operación Triunfo nel añu 2020. Asina, dos de les concursantes (en 2017 y 2020 respectivamente) van ser les encargaes de dar por entamada una nueva edición del festival del branu xixonés.

    Xunto a esta primer actuación, va abrise el restu d’espacios de Metrópoli, con propuestes d’ociu pa tolos gustos. La esposición Fantasía, mundo de sueños ye ún de los platos fuertes, aprovechando que la compañía de animación cumple cien años. Non solo eso, tamién Selfie museum, un espaciu nel que sacar la to cámara o móvil pa esfrutar con dellos escenarios que van quedar pal recuerdu.

    Son 10 los díes mientres los que Metropoli va ser el epicentru cultural, con 4 díes pa la Comic Con y con actividaes a toles hores, como shows d’humor o Metropolitanas, ente muches otres, que puedes consultar na so páxina web.

    Los conciertos de Metrópoli Xixón

    • 30 de xunu – Nia (21 horas) y Lola Índigo (22.30)

    • 1 de xunetu – Drugos (21 horas) y Daviles de Novelda y 3Pac (22.30)

    • 2 de xunetu – Tigre y Diamante (21) y Mägo de Oz (22.30)

    • 3 de xunetu – Kitai (21) y Lit Killah y Enol (22.30)

    • 4 de xunetu – Lágrimas de Sangre (21) y Camela (22.30)

    • 5 de xunetu – Huecco (21) y Sidecars (22.30)

    • 6 de xunetu – Muñeco Vudú (21) y Nicki Nicole (22.30)

    • 7 de xunetu – El Niño Lord.Cah y Kyr4 (20) y MClan (22.30)

    • 8 de xunetu – Nanpa Básico (21) y Ayax y Prok (22.30)

    • 9 de xunetu – Fusa Nocta y Ramudo (20) y fiesta Bresh (22.30)

  • El cine n’Asturies, un ociu qu’entamó en Xixón

    El cine n’Asturies, un ociu qu’entamó en Xixón

    Les sales de cine son anguaño una parte más del urbanismu de toles ciudaes. Llugares como Xixón llegaron a tener varios cines, como por casu los Hollywood o los Robledo, ente munchos otros. Na actualidá, son les grandes sales les que sobreviven nel entramáu de Xixón, una nel Centru Comercial Los Fresnos y otra nel barriu de La Calzada.

    Sicasí, la posibilidá de poder ver una sesión cinematográfica nun llegó a Xixón hasta finales del sieglu XIX. Foi, concretamente, nel añu 1896 y nun edificiu qu’anguaño nun tien la función que tenía nesa dómina Ye’l antiguu Teatru Xovellanos de Xixón. Anguaño ye la biblioteca pública que tamién lleva’l nome del ilustráu xixonés. Una placa na entrada del edificiu recuérdanos esti fechu.

    El cinematógrafo aportó a la villa tres l’ésitu qu’amosó en Madrid, la capital del estáu y entainó camín pa Xixón un 11 d’agostu nun tren express y el 12 d’agostu producióse la primer proyección. Darréu proyectáronse con un cinematógrafu Lumiere les primeres películes grabaes enXixón: Vista d’un rompeoles, tomada dende’l cerru de Santa Catalina, y Vista del Campu Valdés, tomada a la salida de la ilesia de San Pedro. Coles proyecciones convertíes yá nuna tradición, n’agostu del añu 1900 instaláronse en Xixón cinematógrafos en barraques. En 1910 abrióse al públicu’l primer edificiu construyíu pa un cine, el Versalles, que más p’alantre camudaría’l nome por Goya. Esti cine peslló en 1981 y l’edificiu, del que se desconoz el nome del arquitectu, esbarrumbóse en 1987.

    Asina, llegamos hasta los nuesos díes, onde’l cine ye parte del nuesu cine.

  • Asturies estrena web pa la mocedá

    Asturies estrena web pa la mocedá

    La Dirección Xeneral de Mocedá Diversidá Sexual y Derechos LGTBI punxo en funcionamientu la web de mocedá p’meyorar la participación de la mocedá y poner a la so disposición información relevante sobre empléu, movilidá internacional, oficines d’información xuvenil y atención contra la LGTBIfobia, ente otres temes.

    La publicación s’estructura en seis boques:

    Informa Xoven. Noticies diaries con convocatories d’interés pa la población nuevo sobre empléu, beques, formación, ociu y tiempu llibre.
    Oficines Nueves. Información y asesoramientu personal a los mozos nel ámbitu municipal.
    Carné mozu. Información sobre esta iniciativa y ónde pueden llograse descuentos.
    Movilidá Internacional. Programes Erasmus + y Cuerpu Européu de Solidaridá.
    Sala Borrón. Esposiciones de mozos artistes asturianos/as.

    Amás, la portada inclúi otros dos apartaos d’interés:

    Atención contra la LGTBI+Fobia. Teléfonu d’atención a víctimes de dalguna agresión, incidente o situación de discriminación.
    Destacamos. Información relevante al respective de iniciatives y/o programes impulsaos dende la DG. La web va incorporar nes próximes selmanes otres aplicaciones como’l carné nuevu dixital, albergues xuveniles, el portal d’emancipación xuvenil, la rede de pisos compartíos o’l buzón de suxerencies.

  • Estos son los conciertos de la Selmana Grande de Xixón

    Estos son los conciertos de la Selmana Grande de Xixón

    Otra vuelta, aporta’l branu a Xixón, cargáu d’eventos culturales y d’ociu, ente los que destaca los conciertos de la Selmana Grande, la gran selmana de Xixón donde dellos artistes van pasar pelos escenarios de Poniente, Begoña y la Plaza Mayor pa facer vibrar al públicu. Estos son los conciertos de la Selmana Grande de Xixón nel añu 2023:

    Vienres 28 de xunetu

    Plaza Mayor

    • The Jack Cades a les 13.30 hores
    • Stone Foundation a les 22.00 hores
    Sábadu 29 de xunetu

    Plaza Mayor

    • Las Odio y Catalina Grande Piñón Pequeño, a les 13.00 hores
    • The Rhythm Treasures a les 22.00 hores
    Domingu 30 de xunetu

    Plaza Mayor

    • Baby Shakes, a les 13.30 hores
    • Banda Sinfónica de Xixón, a les 22.00 hores
    Llunes 31 de xunetu

    Plaza Mayor

    Girls to the front, a les 22.00 hores

    Martes 1 d’agostu

    Plaza Mayor

    • Pülsar to floyd & Coro Xoven de Xixón, a les 22.00 hores
    Miércoles 2 d’agostu

    Plaza Mayor

    • Agrupación Artística Xixonesa, a les 19.00 hores
    Jueves 3 d’agostu

    Plaza Mayor

    • Nando Agüeros, a les 19.00 hores
    Sábado 5 d’agostu

    Plaza Mayor

    • Los Mejillones Tigre, a les 22.00 hores
    Domingo 6 d’agostu

    Begoña

    • Orquesta Arizona, a les 22.00 hores
    Lunes 7 d’agostu

    Plaza Mayor

    • Las Ginebras, a les 22.00 hores

    Poniente

    • Celtas Cortos, a les 23.00 hores
    Martes 8 d’agostu

    Plaza Mayor

    • Luisa Sobral, a les 21.00 hores

    Poniente

    • Hola Raffaela Tributo, a les 23.00 hores
    Miércoles 9 d’agostu

    Plaza Mayor

    • Tomasito, a les 21.00 hores

    Poniente

    • Red bull Batalla Exhibición, a les 23.00 hores
    Jueves 10 d’agostu

    Plaza Mayor

    • Leo Rizzi, a les 21.00 hores

    Poniente

    • La Pegatina, a les 23.00 hores
    Viernes 11 d’agostu

    Plaza Mayor

    • Furious Monkey House, a les 21.00 hores

    Poniente

    • Dani Fernández, a les 23.00 hores
    Sábado 12 d’agostu

    Plaza Mayor

    • Recycled J, a les 21.00 hores

    Poniente

    • The Human League, a las 23.00 horas
    Domingo 13 d’agostu

    Plaza Mayor

    • The Black Angels, a les 21.00 hores

    Poniente

    • Kiko Veneno, a les 23.00 hores
    Lunes 14 d’agostu

    Poniente

    • Orquesta Assia, de 22.00 a 23.45 hores y de 00.30 a 2.30 hores

    Begoña

    • Salvajex, a les 00.30 hores