Xixón al día

Categoría: Salú

  • Asturies rexistra 67 aules y 1.292 estudiantes confinaos na última selmana pola incidencia de la covid en centros educativos

    Asturies rexistra 67 aules y 1.292 estudiantes confinaos na última selmana pola incidencia de la covid en centros educativos

    Asturies rexistró dende’l 12 de xineru hasta ayeri, día 18, un total de 67 aules, 1.292 estudiantes y 51 docentes confinaos pola incidencia del coronavirus nos centros educativos públicos, concertaos y privaos, incluyíes les escueles de 0 a 3 años. Esto supón que les autoridaes sanitaries decidieron aisllar el 0,84% de les 7.887 clases abiertes na comunidá y al 0,88% del alumnáu matriculáu dende’l primer ciclu d’Infantil hasta Bachilleratu y Formación Profesional (FP).

    La cifra cola que se calcula’l porcentaxe d’alumnáu afectáu actualizóse colos rexistros finales de matrícula, nos que figuren 145.400 estudiantes.

    La Conseyería de Salú echó voz a lo llargo d’esta selmana de 310 casos de covid-19: 255 ente l’alumnáu, 49 ente’l profesoráu y otros 6 ente monitores y monitores y trabayadores de servicios complementarios. Nestes resultancies tán incluyíos los 9 positivos confirmaos col peneráu estraordinariu nos institutos de Grau, entamáu mientres el xueves y vienres de la selmana pasada.

    Per otru llau, les autoridaes sanitaries encamentaron el confinamientu mientres 10 díes de too l’alumnáu y el profesoráu del Centru d’Educación Infantil (CEI) Sagrada Familia, de Corvera, y la realización d’una PCR al términu del aislamientu. El CEI imparte clases nos dos ciclos d’Infantil.

    Los procedimientos que se ponen en marcha énte la detección de positivos por coronavirus venceyaos a colexos ya institutos recoyense na Guía d’actuación énte l’apaición de casos de covid-19, ellaborada pola Dirección Xeneral de Salú Pública y el Serviciu de Salú del Principáu (Sespa) y publicada nel portal Educastur.

  • Nueves midíes antiCOVID: cierren los conceyos d’Avilés, Castrillón y Corvera

    Nueves midíes antiCOVID: cierren los conceyos d’Avilés, Castrillón y Corvera

    A partir del día de güei, el gobiernu d’Asturies presenta nueves midíes antiCOVID que tendrán vigor hasta’l 1 de febreru a les 00:00 hores.

     

    Entes les midíes destaca el zarru de los conceyos d’Avilés, Castrillón y Corvera, a los que la entrada y salida del conceyu queda prohibida salvo en casos debidamente xustificaos. Esto ye, asistencia a servicios sanitarios, asistencia al trabayu, vuelta al domiciliu familiar habitual, competiciones deportives federaes o cualquier otra actividá d’análoga naturaleza debidamente acreditada.

     

    Amás, nestos conceyos les reuniones de grupos de persones en domicilios queda condicionada, exclusivamente, a persones convivientes.

    Magar qu’el gobiernu va aplicar estes midíes hasta’l 1 de febreru, nun se descarta una posible pórroga de les mesmes si llegara a facer falta.

  • Trés de cada cuatro mayores de 65 años vacunáronse mientres la campaña antigripal

    Trés de cada cuatro mayores de 65 años vacunáronse mientres la campaña antigripal

    Trés de cada cuatro persones mayores de 65 años inmunizáronse n’Asturies mientres la campaña de vacunación antigripal 2020-@2021, un 28% más que l’añu pasáu, según los datos provisionales del informe de siguimientu ellaboráu pola Dirección Xeneral de Salú Pública. En total, el Serviciu de Salú del Principáu d’Asturies (Sespa) inmunizó a 316.962 persones, lo que supón un crecimientu del 55,72% al respective de la población vacunao en 2019, cuando se protexeron 203.551.

    Por edaes, vacunóse a 190.476 mayores de 65 años, una cantidá que representa’l 60% del total de les dosis alministraes. Na franxa de 15 a 64 años inmunizáronse a 114.059 persones, 3.000 d’elles
    muyeres embarazaes y 7.508 profesionales de centros sanitarios. Tamién se protexeron 12.427 menores n’edá pediátrica. Per otra parte, el 74,77% de la población vacunada son persones con enfermedaes cróniques o institucionalizaes, unu de los grupos diana de la campaña antigripal.

  • La Universidá d’Uviéu desendolca un innovador métodu d’evaluación pa persones con dificultaes de deprendizaxe

    La Universidá d’Uviéu desendolca un innovador métodu d’evaluación pa persones con dificultaes de deprendizaxe

    Un equipu investigador de la Universidá d’Uviéu diseñó un nuevu protocolu que pretende ayudar a entender los problemes qu’acusen les persones con dificultaes nel deprendizaxe por aciu l’analís de cómo deprienden. Ye un métodu novedosu pol so calter multimodal -rexistra variables psicofisiolóxiques, percepciones personales, emociones y comportamientos- y porque apurre evidencia del procesu de deprendizaxe de la persona enantes, mientres y dempués del mesmu. Esti enfoque va permitir que’l problema de cada persona pueda encetase de la manera más afayadiza. La investigación, espublizada na revista “JoVE: Journal of Visualized Experiments”, foi desenvuelta por Rebeca Cerezo, Estrella Fernández, Cristina Gómez, Miguel Sánchez-Santillán, de la Universidá d’Uviéu, y Michelle Taub y Roger Azevedo, de la University of Central Florida.

    El métodu recurre, per un sitiu, a entrevistes y pruebes psicométriques, y, per otru, al analís de cómo interacciona’l deprendiz col ordenador. Asina, rexístrense les vegaes que calca col mur, en qué momentu y en qué orde, y grábense tolos movimientos oculares que fai, ónde s’afita, detiense, etc., gracies a un sistema d’infrarroxos. Amás, rexístrase la so respuesta psicogalvánica (conductancia llétrica de la pelleya) con un sensor de rexistru asitiáu nos deos d’una mano, pa ver en qué momentu o en qué tipu d’actividaes siente mayor ansiedá o estrés. Grábense tamién con una cámara les espresiones faciales que darréu van ser analizaes automáticamente pa conocer qué emociones son les predominantes mientres se tán faciendo les actividaes. A lo último, inclúyense cuestionarios d’autoinforme nos que, cada ciertu tiempu, pregúntase-y al suxetu qué ta pensando.

    Too esto rexístrase por tiempos y acciones nuna gran base de datos y fáense analisis complexos qu’inclúin técniques estadístiques y de minería de datos, ya informen de cómo taba actuando la persona nun momentu determináu, o bien, qué pensó, sintió y fixo’l suxetu la mayor parte del tiempu. D’esta miente, puede sabese si la persona utiliza correchamente los recursos y estratexes que se ponen a la so disposición.

    Les dificultaes de deprendizaxe suponen una esmolición xeneralizada nes sociedaes modernes, yá que tienen un gran impactu nel rendimientu académicu de les persones que les carecen, asina como nel profesional. Sicasí, a diferencia de niveles educativos previos, apenes esisten protocolos d’evaluación p’adultos con dificultaes de deprendizaxe, y los qu’hai disponibles, nun suelen tener en cuenta aspectos metacognitivos o d’autorregulación del deprendizaxe, nin suelen plantegase dende un enfoque d’evaluación multimodal.

  • Izquierda Xunida sofita la declaración del Estáu d’Alarma ente la evolución de contaxos y l’aumentu d’ingresos en Cabueñes y Huca

    Izquierda Xunida sofita la declaración del Estáu d’Alarma ente la evolución de contaxos y l’aumentu d’ingresos en Cabueñes y Huca

    Ángela Vallina refuga’l dilema economía-salú al entender que la primera ye imposible ensin la segunda y Ovidio Zapico reclama midíes d’acompañamientu pa acompañar a los sectores más perxudicaos.

     

    La portavoz de Izquierda Xunida Asturies na Xunta Xeneral del Principáu, amosó güei el so respaldu al anunciu de nuevu Estáu d’Alarma realizáu pol Gobiernu del estáu. Al so xuiciu, tratase d’una midida «necesaria» si se tien en cuenta la evolución y cifres de los últimos díes y ello a pesar de les restricciones yá puestes en marcha col regresu a la Fase 2. «Tamos viendo cómo Cabueñes entama a saturase y tamién cómo empieza a ponese nuna situación de ciertu riesgu nel HUCA. Poro, yá hai que montar hospitales de campaña. La salú ta primero de too».

     

    Pa Vallina, esta decisión inscríbese nel panorama xeneral européu con un repique xeneralizáu. «Lo primero, la salú y la protección pa la nuesa xente. Como mui bien dixo la señora Merkel (n’alusión a la canciller alemana), ye falsu’l dilema economía-salú. Si nun hai salú nun hai economía. Y una fola con un zarru como se fixo la otra vegada, posiblemente, la economía nun la aguantaría. Polo tanto, tomemos midíes antes».

     

    Pa la formación, l’Estáu d’Alarma ye una una ferramienta imprescindible pa frenar la espansión de la pandemia y salvar el mayor númberu de vides posibles, nun modelu de toma de decisiones que, amás, tien de garantizar nun dexar a naide tras. Asina lo espresó tamién el coordinador xeneral de IX Asturies, Ovidio Zapico pa quien, al traviés d’un tuit, «llibertá y seguridá colectiva» tienen d’asitiase “percima d’egoísmos personales», daqué que puede garantizase meyor col Estáu d’Alarma. En cualesquier casu, añadió’l dirixente d’IX, «tienen d’implementase midíes p’acompañar a los sectores económicos más perxudicaos pa que naide quédese per detrás nesta crisis».

  • La segunda fola del andanciu puede llevar a la desapaición a miles de negocios según la UPTA

    La segunda fola del andanciu puede llevar a la desapaición a miles de negocios según la UPTA

    La Unión De Profesionales y Trabajadores Autónomos (UPTA) pide midíes contundentes al Gobiernu pa contener l’espardimientu de la pandemia, ya que les midíes que se tán poniendo en marcha dende los gobiernos autonómicos, son claramente insuficientes.

     

    Les restricciones a la movilidá, los cierres perimetrales y el retayu horariu en determinaos sectores, nun tán dando resultancies favorables para doblar la curva de contaxos d’esta segunda fola de la COVID-19.

     

    Eduardo Abá, presidente de UPTA, señaló que “ta en xuegu la vida de miles de pequeños negocios, si nun paremos l’espardimientu de los contaxos, los trabayadores autónomos van perder el 30% de la facturación anual que se produz na campaña de Navidá, suponiendo una catástrofe económica que sería bien malo de solucionar».

     

    Por ello, dende la UPTA defienden que ye preferible axustar severamente les restricciones mientres les próximes selmanes enantes de que seya demasiao tarde y vaya echase a perder la campaña navidiega.

     

    Eduardo Abá, coles mesmes, manifestó que “precisamos consensu y muncho sentíu común. Si nun paremos esto agora, la campaña comercial de Navidá va ser un completu desastre. Esto nun ye una carrera electoral, esto ye una situación d’emerxencia que tien de priorizar los intereses de los ciudadanos, de los empresarios, de #el trabayadores y de los más de 3 millones d’autónomos del nuesu país”.

  • Asturies podría entrar na fase 3 a partir d’esta tarde

    Asturies podría entrar na fase 3 a partir d’esta tarde

    El consejo internacional Sistema Nacional de Salud (SNS) actualizó ayeri tres un conceyu de los presidentes de les comunidaes autónomes del estáu el so plan de respuesta temprana nun escenario de control del andanciu pol COVID. Nesti conceyu acordose el seguimiento de la viniente tabla a la hora de definir los niveles d’alerta.

    La combinación del resultáu d’estos indicadores afectaríen a les fases de les comunidades d’esta manera:

    • Nivel de alerta 1: Cuando al menos dos indicadores del bloque I1 y uno del bloque II están en nivel bajo
    • Nivel de alerta 2: Cuando al menos dos indicadores del bloque I1 y uno del bloque II están en nivel medio
    • Nivel de alerta 3: Cuando al menos dos indicadores del bloque I1 y uno del bloque II están en nivel alto
    • Nivel de alerta 4: Cuando al menos dos indicadores del bloque I1 y uno del bloque II están en nivel muy alto

    Según estes tables, Asturies taría anguaño na fase 3, yá que nos últimos 14 díes tan una situación de 279 casos por 100.000 habitantes, una incidencia acumulada de 157 y una ocupación de cames por pacientes por COVID de 12’24% y 15% na UCI.

     

    Ente les midíes de prevención que s’aplicaríen na fase tres taríen llimitar les reuniones a un másimu de seis persones, recomendación de nun salir del domiciliu salvo que seya necesario, llimitar el contactu social, fomentando’l teletrabayu y clases online, reducción d’aforu de los locales y mercadillos, y un horariu d’apartura de los comercio non esenciales hasta les 23.00.

     

  • La Policía Local denuncia a cuatro establecimientos d’hostelería ya intervienen en siete fiestes en cases mientres la fin de selmana

    La Policía Local denuncia a cuatro establecimientos d’hostelería ya intervienen en siete fiestes en cases mientres la fin de selmana

    La Policía Local denunció esta fin de selmana a cuatro establecimientos hosteleros de la ciudá por diversos incumplimientos derivaos de la normativa covid-19 y tamién de la ordenanza municipal. Dos d’ellos fueron denunciaos por incumplir l’horariu de zarru, y un d’éstos tamién por permitir el consumu en barra; un tercer establecimientu foi denunciáu por escesu de meses y sielles na terraza y el últimu, por tener música amplificada ensin llicencia pa ello.

     

    Coles mesmes, la Policía tuvo qu’intervenir, a lo llargo de la madrugada del sábadu al domingu, en siete cases nes que se taben celebrando fiestes privaes, en recibiendo delles denuncies vecinales, y como resultancia denuncióse a un total de 14 persones.

     

    A lo último, sancionóse a un total de 28 persones por non llevar el mázcaru puestu.

  • L’Ayuntamientu de Xixón pon en marcha un plan d’actuación pal Día de Tolos los Santos

    L’Ayuntamientu de Xixón pon en marcha un plan d’actuación pal Día de Tolos los Santos

    L’Ayuntamientu de Xixón ellaboró un plan d’actuación específicu pa la celebración del Día de Tolos los Santos con motivu de la COVID-19. Tratase d’un conxuntu de midíes de prevención desarrollaes por CEGISA que’l so fin ye garantizar la seguranza y evitar aglomeraciones nos cementerios municipales.

                                                     

    D’esi mou, instase a los usuarios a non concentrar les sos visites a los cementerios el día 1 de payares, sinón que faigan les visites de forma escalonada. Pa ello, la llínea 25 de EMTUSA va aumentar la so frecuencia al Cementeriu Municipal de Deva dende’l día 24 d’ochobre y hasta el 2 de payares.

     

    De la mesma manera, nos cementerios con más visitantes, como son Deva, Ciares y Xove, va haber controladores d’accesu los díes 30 y 31 d’ochobre y 1 de payares. La so función sedrá, amás, vixilar l’usu obligatoriu de mázcaru, de xel hidroalcohólicu ya informar de les midíes de distanciamientu social, asina como de les rutes d’entrada y salida que se diseñaron.

     

    En concreto, la entrada al pasiellu principal de les unidaes d’enterramientu del Cementeriu Municipal de Deva va realizase pel centru de la puerta principal y la salida peles puertes auxiliares que tan xunto a la principal. Nel Cementeriu Municipal de Ciares l’accesu tará habilitáu poles puertes 1,2,7 y pola de les persones con movilidá reducida. Nel restu de cementerios, les puertes van dividise con valles pa establecer una ruta d’entrada y otra de salida.


    Tocante a los servicios relixosos del Día de Difuntos, van celebrase aquellos que determinen los párrocos d’acuerdu coles autoridaes sanitaries.

     

    Toes estes midíes tan apoyáes pola Asociación de Floreros de España que tuvo presente nun aconceyamientu manteníu nel Ayuntamientu cola Alcaldesa de Xixón, Ana González Rodríguez, el conceyal de Promoción Económica, Empleu y Comerciu Llocal, Santos Tejón, y la Xerente de CEGISA, Mónica García.