Asturies, Cultura en Rede ufierta una programación teatral intensa pal mes de payares, a la que se sumen les propuestes variaes de los circuitos de música, Xacobéu, lliteratura, Autores nel Camín, cultura tradicional y artes visuales. El programa Asturies, Cultura en Rede ye un proyectu de la Conseyería de Cultura, Política Llingüística y Turismu realizáu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies, qu’incluye circuitos temáticos de delles disciplines culturales y artístiques per distintos conceyos del Principáu.
Nel marcu del circuitu d’artes escéniques va haber 15 funciones en 12 conceyos: Swingers d’El Jaleo Producciones Artísticas, en Siero; La loka historia de Frankenstein d’ACAR Teatro del Mundo, en Ribeseya; ¡Ay Carmela! de la compañía De Carmela, en Castrillón, Navia y Cangas del Narcea; Black Friday de Piquero Producciones y Danza para niños kinkis de Proyecto Piloto, n’Avilés; Voces de Luz de Gas Teatro, en Grau; Muyeres inesperaes de Ververemos, en Villaviciosa; Abre el ojo d’A66 Producciones, en Llangréu y Castrillón; La magia y el humor de Mago Nacho, en Nava; Cuenta con nosotras d’Ana Morán Teatro, en Ribadeva; Disculpe, Caballero de Zig Zag Danza, en Navia; El último en morir que apague la luz de Con Alevosía Teatro, en Samartín del Rei Aurelio.
Nueve eventos en nueve conceyos conformen les actividaes del circuitu de música pa esti mes: Morricone Pop Orchestra, en Siero; Tubox Dúo y Música en el Palacio Real de Madrid (1778-1818), en Sotu’l Barcu; Anabel Santiago, en Valdés; Broken Roads, en Cangas del Narcea; Alberto & García, n’A Veiga; El Arca de Mozart y Ellas suenan, n’El Franco; Alfredo Morán, en Villaviciosa; Fe de Ratas, en Castrillón; y Mapi Quintana y César Latorre, en La Maramuniz en Ḷḷena. A esto súmense Manín y el primer pelegrín d’Escenapache en Siero y Navia y los conciertos d’Eva Tejedor & Les Pandereteres en Ḷḷena, d’Alfredo González n’A Veiga y Celso Díaz Band en Pravia nel circuitu Xacobéu.
La programación del circuitu de lliteratura incluye 16 eventos en 14 conceyos: Palabras como llaves de Musa Cafeína, en Les Regueres, en Grau y en La Ribera; La caja mágica de Carlos Alba Cellero, en Cangas del Narcea; Animalías e incertidumbre de Gema Fernández, n’A Veiga; ¿A qué suenan los libros? d’El Arca de Mozart, n’Avilés; ¡Al circo! de Tras la Puerta Títeres, en Xixón; La poesía es una ventana de Carlos Alba Cellero, en Valdés; Taza de haikus d’Alicia Andrés Ramos, en Llanera; Descubriendo a Gloria Fuertes d’Elisabet Martín Teatro, en Noreña y A Veiga; Cuentos de casa de Tras la Puerta Títeres, en Gozón, Mieres y Nava; Lectura dramatizada sobre textos de Alejando Casona con El Jaleo Producciones, en Pravia; La otra d’ Ana María Lamela Rey, en Nava.
Amás, hai siete alcuentros en cinco conceyos con autores ganadores de los premios convocaos pola Conseyería de Cultura, Política Llingüística y Turismu nel marcu del circuitu Autores nel Camín: con Xune Elipe, en Corvera, Avilés y Llangréu; con Inaciu Galán y Vero Suari, en Ḷḷena; con Higiénico Papel, en Corvera; y con Factoría Norte, en Grau y Ḷḷena.
De la mano del circuitu de cultura tradicional, el públicu va poder disfrutar de La pandereta en Asturias con Eva Tejedor, en Llangréu; Restolando de David Varela, en Cangas del Narcea; Aventurina L’Ablana de Factoría Norte, en Muros de Nalón; y de Y esa ye la de… d’El Arca de Mozart, en Siero.
Col circuitu d’artes visuales espónse Sinergias. Gráfica I Andando de Cristina Moneo hasta’l 30 de payares en Navia y sigue abierta Trilogía poética: Al horru d’Ediciones Pata Negra hasta’l 26 de payares en Siero, una muestra que se va poder ver del 28 de payares al 23 d’avientu en Colunga.
47 proyecciones esti mes de La Cinemateca Ambulante
En payares siguen amás n’Asturies les proyecciones del ciclu de cine itinerante La Cinemateca Ambulante y, pa esti mes, Llaboral Cinemateca programó un total de 47 proyecciones. A Veiga, Cabrales, Cangas del Narcea, Cangues d’Onís, Castrillón, Gozón, Ḷḷena, Llanes, Llangréu, Nava, Navia, Noreña, Piloña, Ribadeva, Ribeseya, Siero, Tinéu, Valdés y Villaviciosa van proyectar un programa qu’incluye’l clásicu Los peces rojos de José Antonio Nieves Conde, una de les películes más emblemátiques del noir español de posguerra, y la película documental La Calle del Agua de la realizadora asturiana Celia Viada Caso, ganadora de siete premios nel últimu Festival Internacional de Cine de Xixón.
En collaboración cola Conseyería de Ciencia, Innovación y Universidá del Principáu d’Asturies, nel marcu del proyectu «Conceyos con Ciencia», tamién va poder vese Spaceship Earth, un documental dirixíu por Matt Wolf sobre unos visionarios contraculturales que s’aislaron dos años nun ecosistema artificial. El programa del mes incluye la proyección del llargumetraxe El horizonte de Delphine Lehericey, una película que retrata’l final de la inocencia nuna contorna rural afarada pola seca y que llevó los gallardones a Meyor Película y Meyor Guion nos Premios de Cine Suízu 2019.
La programación de los circuitos d’Asturies, Cultura en Rede pue sufrir modificaciones. Puen consultase feches, horarios y información ampliada n’www.asturiesculturaenrede.es.
