Etiqueta: Podemos Asturies

Podemos Asturies amosaron el so sofitu a los y les trabayadores del serviciu de tresporte adaptáu del ERA

Los trabayadores lleven meses en conflictu col organismu públicu polos impagos. Nuna rueda de prensa celebrada esti xueves nel Parlamentu asturianu, los voceros de Podemos Asturies, Rafael Palacios y Ana Taboada acompañaos por representantes de esti trabayadores, denunciaron que’l ERA “nin paga a los y les emplegaes, nin tampoco a les empreses”. Palacios y Taboada, señalaron que por sentencia xudicial l’organismu que xestiona les residencies de vieyos perdió’l xuiciu que tenía coles empreses de tresporte adaptáu poles llicitaciones y “va tener que pagar agora lo que nun quería pagar antes, y esperemos que lo pague. Nestos momentos, ERA conviertese en morosu de les empreses del tresporte”.

Amás, según los dirixentes moraos “gracies a la solidaridá de los y el trabayadores, que tán ensin cobrar, sigue emprestándose el serviciu a les families. Solidaridá que nin tienen nin la Conseyería de Derechos Sociales, nin el ERA”. Nesi sentíu, esplicaron que lo que fixo el ERA caltener el serviciu de tresporte una vegada que remataron los contratos coles empreses “a cencielles foi un contratu d’un mes y 26 díes. Una vegada que se cumpla esti periodu, nun sabemos qué va pasar nin coles empreses, nin colos sos trabayadores

16/02/2023
Podemos Asturies defende l’usu de la rampla de Payares con fines turísticos y y de cercaníes

El diputáu de Podemos Asturies, Daniel Ripa, anunció esti martes que va preguntar al Gobiernu autonómicu sobro los planes pa la rampla de Payares, “una de les mayores obres d’inxeniería de la Península y una de les que más potencial turísticu y paisaxísticu tienen”, recordó. Amás, Ripa reclamó un estudiu de la viabilidá del so caltenimientu pa usos turísticos y económicos y pa dar servicios de cercaníes a los pueblos asturianos y llioneses.

El diputáu de la formación morada, sumóse al pidimientu que, dende Unión del Pueblu Llionés, facíase esta selmana a la Xunta de Castiella y Llión, onde se solicitaba’l caltenimientu de la rampla de Payares pa caltener el serviciu de cercaníes y pa esplorar
usos turísticos de la infraestructura. Según él, esta infraestructura “ye hestoria d’Asturies
y perdela pa caltener n’esclusiva l’AVE ente L.lena y Llión, sería perder parte de la nuesa hestoria y soterrar les posibilidaes en materia de cohesión territorial y promoción turística de delles contornes de Cordal Cantábricu”.Nesi sentíu, recordó qu’esta infraestructura foi creada ente 1880 y 1884 y, nel so orixe, “foi una de les mayores obres d’inxeniería de la península”.

Según el diputáu de Podemos Asturies, “hai que buscar un equilibriu ente eficiencia económica y cohesión territorial. Seique nun pueden encarase les inversiones de modernización de la rampla de Payares, pero refugar los sos potenciales usos turísticos y económicos ensin estudios fayadizos paez precipitáu”. Por esti motivu, anunció que va preguntar al conseyeru de Mediu Rural y Cohesión Territorial sobre los planes del Gobiernu asturianu pa esta infraestructura y reclamó tamién un analís de costos, potenciales usos y planes pa esa llínea ferroviaria “primero que l’Executivu tome cualquier decisión que cierre’l so funcionamientu”.

“Los potenciales usos en materia de tresporte de mercancíes tamién han de ser estudiaos y débese garantizar el caltenimientu de la rede de cercaníes hasta Fierros”, manifestó. Na so opinión, “Asturies y Llión tienen de mirar xuntes al futuru, si queremos faer un polu del Noroeste”. A lo último, recordó que dambes Comunidaes Autónomes “tenemos que trabayar xuntes pa sacar alantre’l pidimientu de gratuidá del peaxe d’El Güerna pa tolos viaxes que s’efectúen nun períodu de 24 hores, como yá asocede na AP-9 gallega, y pa impulsar la vía xudicial pola supresión del peaxe”.

01/02/2023
Podemos Asturies confirma la nueva composición del so Conseyu de Coordinación

El Conseyu Ciudadanu Autonómicu de Podemos Asturies ratificó la propuesta de la Coordinadora Autonómica, Sofía Castañón, cola nueva composición del Conseyu de Coordinación, la dirección executiva del partíu. Por 16 votos a favor y una astención, foi
aprobáu la siguiente repartida de responsabilidaes:

Secretaría d’Organización y Finances: Olaya Suárez.
Secretaría d’Aición Institucional y Rellaciones con Otres Fuercies: Rafael Palacios.
Secretaría de Polítiques Municipalistes: Ana Taboada.
Secretaría de Sociedá Civil y Servicios Públicos: Sara Retuerto.
Secretaría de Feminismos, Derechos LGTBI, Participación y Círculos: Isabel
Fernández.
Secretaría de Formación y Memoria Democrática: Ignacio Loy.
Secretaría d’Analís, Discursu y Comunicación: Hugo L. García.

Otramiente, siguiendo la normalidá organizativa del partíu, el Conseyu de Coordinación estableció que Rafael Palacios asuma les funciones pertinentes mientres la baxa médica de Sofía Castañón.

16/01/2023
Podemos vuelve a sancionar a Daniel Ripa «en defensa de les sos normes democrátiques»

El Conseyu de Coordinación de Podemos Asturies abrió espedientes disciplinarios a dellos militantes que vienen incumpliendo de forma repitida y deliberada les normes democrátiques del partíu y afrellando a la organización y a los sos representantes
tanto nos sos espacios internos como na esfera pública talo como declaró’l partíu.

Trátase, asina, d’una iniciativa que tendría de entamase va tiempu según los sos dirixentes. Dende Podemos Asturies «tratamos d’evitar llegar a esti puntu y dimos demasiaes oportunidaes a persones que, desque perdieron el control del partíu nun procesu democráticu a finales de 2021, asitiáronse claramente fuera de la organización y dedicáronse sistemáticamente a actuar de forma destructiva contra ella. Foi una constante pela so parte la contra la llantadera de barruntos ensin pruebes sobro la llimpieza de los procesos internos de Podemos, los bilordios públicos y agresiones verbales directes contra distintes compañeres, la indisciplina flagrante escontra los órganos lexítimos de dirección ya inclusive el sofitu a procedimientos llegales fraudulentos en contra del que se supon que ye’l so propiu partíu».

Les persones oxetu d’espediente son:

Daniel Marí Ripa, qu’acusó, según el partíu, «de forma infundada y repitida a les direcciones autonómica y estatal de Podemos de fechos bien graves (“amenaces”, “espulsiones”, “pucherazo”, “despidos”, “creación de círculos pirates”…), tanto nes sos cuentes de redes sociales como en medios de comunicación, amás de tratar de secuestrar el control de la cuenta bancaria del grupu parlamentariu na Xunta Xeneral».

Andrés Fernández Vilanova, quien tando yá suspendíu de militancia «usurpó la representación de Podemos Asturies estableciendo contactos en nome del partíu con entidaes sociales asturianes, según pudo constatar la dirección, amás de participar en distintos actos públicos tamién en nome de Podemos y entemetese nel procesu de primaries espublizando falsedaes».

Jorge Fernández Iglesias, «quien vien afrellando verbalmente a distintes compañeres del Conseyu Ciudadanu Autonómicu, tanto en chats como en caúna de les xuntes presenciales de dichu órganu, y persistiendo nuna actitú desaxeradamente irrespetuosa y difamadora a pesar de múltiples amonestaciones».

09/01/2023
Sofía Castañón (Podemos) reclama más garantía de derechos pa llei trans asturiana

Podemos Asturies volvió reprochar al Gobiernu de Barbón la so “falta de compromisu”
colos derechos de les persones LGTBI al caltener “paralizada” la llei en Asturies. Asina lo manifestaron esti xueves la coordinadora autonómica de la formación morada, Sofía Castañón, y el voceru parlamentariu, Rafael Palacios, nun alcuentru con representantes de l’asociación Llar Trans.

Castañón llamentó que fai más d’un añu’l presidente asturianu comprometióse con esta norma y “cuando ta a puntu de terminar la llexislatura, nun tamos viendo nenguna meyora per parte del Gobiernu autonómicu” y pidió-y al Executivu de Barbón “menos trampes y más garantía de derechos en Asturies”.

Amás, esplicó que “apura una llei que dea respuesta a les persones trans y a la comunidá LGTBI nel so conxuntu y anque tengamos un marcu estatal, esto tien qu’aterrizase en toles competencies del Gobiernu d’Adrián Barbón”.

Los dirixentes de Podemos manifestaron que nun pueden entender que la FSA “caltenga esta llei nun caxón, porque tenemos la sensación de que cuando falamos de derechos civiles paez que siempres pueden quedar retardaos”. Y en ese sentíu, recordaron los casos recién d’agresiones LGTBIfóbicas asocedíos en Asturies. Dende la formación morada apuraron al Executivu autonómicu a que saque la llei “del caxón” y a qu’escuche a los colectivos que yá presentaron allegamientos, como ye’l casu de Llar Trans. “L’Alministración asturiana tien qu’activar yá esti procesu porque non puede faese apriesa y corriendo y, comoquier. Y, por supuestu, nun puede facese dando’l llombu al marcu que yá s’asitia nel Estáu sobremanera porque esa yera la escusa pa nun activalo antes”, señalaron
Castañón y Palacios.

Pela so parte, la presidenta de Llar Trans, Ánxeles Fal recordó que tanto los colectivos LGTBI como los sindicatos “amosemos el nuesu refugu al anteproyectu d’esa llei tanto pol fondu como pola forma, por eso presentemos 44 allegamientos”. Fal señaló la importancia de faer una llei “na que se reflexe’l sentir de les persones afectaes y que cunte con elles pa la so ellaboración. Y esti nun foi’l casu porque se nos presentó un borrador yá ellaboráu ensin nengún tipu d’aportación pela nuesa parte. Va un mes que s’acabó’l periodu d’allegamientos y nun volvimos a saber nada del anteproyectu”.

30/12/2022
Sofía Castañón pide al Gobiernu central qu’esixa’l caltenimientu del empléu n’Arcelor

La coordinadora autonómica de Podemos Asturies y vocera axunta de Xuníes Podemos nel Congresu, Sofía Castañón, anunció esti miércoles una proposición non de llei pol caltenimientu del empléu nes plantes asturianes de ArcelorMittal, nes cuales la empresa preve amenorgar la so plantiya en casi 1.000 puestos de trabayu nel marcu del so plan de descarbonización, financiáu al 50% con fondos públicos.

Na iniciativa unviada güei a la Secretaría d’Estáu de Relaciones coles Cortes, Xuníes Podemos plantega que’l Gobiernu introduza mecanismos que condicionen la concesión de fondos europeos al caltenimientu del volume d’empléu per parte de ArcelorMittal, según que dende l’Executivu velar pol cumplimientu de los compromisos adquiríos pola empresa sobro los contratos relevo de el trabayadores y trabayadores nacíes nos años 1960 y 1961.

D’esta manera, la coalición fai ecu de les reivindicaciones plantegaes polos sindicatos CCOO y CSI, con que los sos representantes axuntar Castañón el llunes. La diputada asturiana preguntóse “cómo ye posible que con fondos públicos vaiga producise esta terrible destrucción d’empléu” y espresó la so esmolición pola perda de derechos llaborales y la precarización”, según por una perda de capacidá competitiva” que diría “en sentíu contrariu al proyectu de país que precisa Asturies”. Por ello, Castañón aportunó na esixencia de UP de que los fondos públicos lleven apareyada la esixencia del caltenimientu de la plantiya y los derechos llaborales.

02/03/2022
Podemos va llevar al parllamentu los problemes del CD Covadonga femenín

Podemos Asturies va llevar al Parlamentu asturianu los problemes del CD Cuadonga de fútbol femenino denunciaos pol so equipu técnicu y xugadores apocayá. Va ser na comisión de Cultura d’esti xueves 17 de febreru onde la conseyera del ramu va tener qu’asitiase sobre los casos de discriminación y persecución nesti equipu uvieín.

Asina lo anunció esti miércoles el voceru parllamentariu de Podemos Asturies, Rafael Palacios, nuna rueda de prensa acompañáu por xugadores del club. “Pidimos al Gobiernu asturianu que sofite públicamente a estes muyeres, énte la situación de discriminación y persecución que tán sufriendo per parte de la directiva. Un gobiernu que se define y presume de ser feminista, nun puede dexar esti tipu de discriminación”, aseguró Palacios, que va entrugar a Berta Piñán sobre qué xestiones ta realizando pa poner fin a la situación de persecución, discriminación y maltratu que tán sufriendo les xugadores y equipu técnicu del CD Covadonga Femenín.

El voceru de la formación morada, señaló que les xugadores y l’equipu técnicu “vienen reclamando condiciones dignes y un tratamientu igualitariu” a la hora de practicar esti deporte en comparanza col equipu masculín. El club “como represalia espulsa a parte del equipu y del cuerpu técnicu y les que se quedaron viven una situación bien complicada”. Magar que les xugadores unviaron cartes tanto a la Federación Asturiana de Fútbol, la conceyalía de Deportes del Conceyu d’Uviéu o la Dirección xeneral de Deportes del Gobiernu asturianu, “naide salió públicamente a sofitar a estes muyeres valientes que s’enfrentaron a una situación de presión bien complicada”, concluyó Palacios.

Pela so parte, les xugadores del Club Deportivu Covadonga Femenín -fundáu en 2018- Alba Rodríguez, Sara Martínez y Beatriz Pérez, señalaron que’l club cuntaba con una subvención pública pa sofitar el fútbol femenín “que yá terminó” y a partir d’entós dende la directiva indicóse-yos que “tendríamos que pagar una cuota de 20 euros mensuales por xugar, mientres que l’equipu masculín -dambes militen na categoría rexonal del fútbol asturiano- cobren 50 euros al mes”. Amás, apuntaron que se-yos torgó faer usu de los vestuarios como midida anticovid, pero los nuesos compañeros sí podíen usalos”.

Les xugadores denunciaron “represalies” per parte del presidente al espulsar a les trés capitanes, trés entrenadores y la delegada del equipu, dempués d’allegar a los medios de comunicación “pa dar a conocer la nuesa situación”. Por estos motivos, les xugadores aseguraron que la intención de la directiva, col so presidente al frente, ye la de “eslleir l’equipu pal próximu añu”.

17/02/2022
La reforma del estatutu queda bloqueada énte les esixencies de FORO Asturies

Tres el conceyu d’esta mañana ente los principales partidos políticos que taben d’alcuerdu na reforma estatutaria, ye dicir, PSOE, IU, Podemos Asturies y FORO Asturies, la reforma del estatutu d’autonomía d’Asturies sigue bloqueada, principalmente poles esixencies de FORO.

En pallabres de Dolores Carcedo, vocera del PSOE «hai tres fuercies a favor de la oficialidá y de la reforma con 26 diputaos y otru partíu, que ye FORO, col oxetivu de baxar impuestos. Lo que FORO tresllado con esto ye’l no a la oficialidá».

Per otra parte, Rafael Palacios, voceru de Podemos Asturies declaró que nel conceyu «trés grupos políticos vinieron a falar d’oficialidá y otru vieno a falar d’impuestos y ye mui dificil alcontrar un puntu d’alcuerdu ya imposible poder avanzar cuando se fala de coses distintes. Tanto tiempu trabayando y planteando pa reconocer un derechu, alcontrámanos con un partíu políticu que’l so interés ye otru.» Sofía Castañón añedía «que’l momentu pa la oficialidá ye agora y que Adrián Pumares tovía puede recapacitar».

Hasta’l 31 de xineru, según los partidos políticos, tarán a la espera del cambéu de parecer pa poder siguir alantre cola reforma del estatutu d’autonomía qu’incluyá la oficialidá de les llingües propies d’Asturies.

24/01/2022
Podemos Asturies reclama que remate la discriminación del profesoráu de Llingua Asturiana

La coordinadora autonómica y diputada nel Congresu, Sofía Castañón, solicitó que «se ponga fin a la discriminación” que ta careciendo’l profesoráu de Asturianu y, poro, reclamó la necesidá de la puesta en marcha d’a la especialidá docente de Llingua Asturiana. La coordinadora autonómica de la formación morada, recordó que va unos meses s’aprobó una proposición non de llei presentada por Xuníes Podemos nel Congresu, na que se pidía que se modificara’l Real Decretu d’Especialidaes pa dar cabida a la d’Asturianu. “Ye importante qu’esti cambéu s’execute por que’l próximu cursu non empiece ensin que se tenga correxida esta fonda desigualdá llaboral que discrimina al profesoráu docente d’Asturianu”, que n’Asturies afectaría a unes 400 persones.

Castañón, realizó estes declaraciones tres caltener un alcuentru con representantes de la de Federación d’Enseñanza de CCOO y de SUATEA, acompañada pola responsable de Servicios Públicos de Podemos Asturies, Tamara Schulz, y la diputada autonómica Nuria Rodríguez.

19/01/2022