La Universidá Popular de Xixón convoca cada semestre una montonera de cursos de tou tipu, que van dende cocina a deprender a tocar un instrumentu musical pasando per la conocencia de delles dómines históriques. Unu d’ellos ye’l cursu d’asturianu avanzáu, que foi precedíu na convocatoria anterior pol cursu d’aniciu al asturianu.
Nesti nivel van ufiertase ferramientes gramaticales, pallabreru, ortografía, exercicios pa trabayar la oralidá, sociollingüística y conteníos culturales complementarios. El cursu quier sirvir pa persones qu yá tienen l’asturianu como llingua familiar o s’alfabetizaron nel sistema educativu o en dalgún cursu previu, y tamién p’ameyorar les sos capacidaes comunicatives nel idioma, mesmo per escrito que de forma oral.
Entá ta disponible la matriculación pa les últimes places del cursu y puedes matriculate calcando nesta páxina web.
