Xixón al día

Etiqueta: Coxersa

  • Coxersa invertirá’l próximu añu 17,4 millones n’instalaciones pa la meyora del reciclaxe

    Coxersa invertirá’l próximu añu 17,4 millones n’instalaciones pa la meyora del reciclaxe

    El Consorciu pa la Xestión de Borrafes Sólides d’Asturies (Coxersa), va invertir el próximu añu 17,4 millones n’instalaciones pa la meyora del reciclaxe de borrafes. D’esta cantidá, 14,6 millones van destinase al centru de tratamientu de Serín, nel que se procesen toles refugayes municipales.

    La xunta de gobiernu del consorciu, presidida pol vicepresidente y conseyeru d’Alministración Autonómica, Medo Ambiente y Cambéu Climáticu, Juan Cofiño, aprobó güei por unanimidá’l presupuestu consolidáu de la entidá pa 2023, que xube a 72.557.619 euros. A la xunta tamién asistieron la viceconseyera de Mediu Ambiente y Cambéu Climáticu, Nieves Roqueñí; la xerente de la entidá, Paz Orviz, y representantes municipales.

    Les cuentes recueyen una partida de 8,6 millones pa la planta de clasificación de basura bruta o fracción restu, que va empezar a funcionar el próximu añu tres una inversión global de 60 millones. Esta instalación ye la mayor obra realizada pola entidá nos sos 40 años d’hestoria.

    Coxersa tamién va invertir 2,7 millones n’instalaciones de preparación pa la reutilización de borrafes y un millón na ampliación de la planta de biometanización, na que se traten les borrafes orgániques recoyíos xebradamente. Coles mesmes, va destinser 500.000 euros a la meyora de la planta de tratamientu térmicu.

    El presupuestu inclúi otru millón dedicáu a la optimización enerxética del biogás xeneráu pola dixestión de les borrafes orgániques, a la conexón del centru de tratamientu cola rede de gas natural pa la esportación de biometanu y a una biogasinera. Amás, previéronse 2,2 millones pa nuevos puntos llimpios y 500.000 euros pa la construcción d’árees de compostaje comuñal.

    Parte de les inversiones que va acometer el consorciu l’añu próximu van tar financiaes pol Mecanismu de Recuperación y Resiliencia. La entidá previo nes sos cuentes 216.364 euros pa subvenciones a los conceyos de Carreño, Corvera, Xixón y Llanera, col fin de compensar les molesties que les sos instalaciones industriales causen a los habitantes de parroquies y pueblos. Coles mesmes, caltien la dotación de 60.000 euros añales a la Cátedra Coxersa d’Economía Circular de la Universidá d’Uviéu.

  • Coxersa anicia una nueva edición de la Rede d’Escueles pol Reciclaxe

    Coxersa anicia una nueva edición de la Rede d’Escueles pol Reciclaxe

    La viceconseyera de Mediu Ambiente y Cambéu Climáticu, Nieves Roqueñí, inauguró güei’l cursu 2022-2023 de la Rede d’Escueles pol Reciclaxe del Consorciu pa la Xestión de les Borrafes Sólides n’Asturies (Coxersa), nel que van participar 60.992 estudiantes de 216 centros educativos allugaos en 50 conceyos.

    Esta iniciativa, que forma parte del programa d’educación ambiental del consorciu, celébrase esti cursu sol lema Moda responsable, yá que pretende encetase como tema principal la prevención y la recuperación de les borrafes testiles. “El proyectu pretende xenerar ente les nueves xeneraciones concencia ambiental pa la compra y el consumu responsable, que ye la mayor garantía p’avanzar escontra una sociedá sostenible y circular”, esplicó la viceconseyera.

    Roqueñí recordó que cola entrada a valir de la nueva llei de borrafes amontáronse los oxetivos de reciclaje y incorporáronse nueves esixencies pa les alministraciones públiques y la ciudadanía, como la obligatoriedá de que los conceyos pongan en marcha servicio de recoyida separada de ropa y calzáu usaos antes d’avientu de 2024. N’Asturies yá se recueye de forma dixebrada’l 14,8% de les borrafes testiles pa la so reutilización o reciclao.

    Pela so parte, la xerente de Coxersa, Paz Orviz, valoró l’esfuerzu de los docentes pa desenvolver les iniciatives de la rede”, en que les sos actividaes d’educación ambiental participaron dos millones de persones nos postreros quince años. D’elles, 540.000 fueron estudiantes de 2.140 centros educativos y 140.000 visitaron el centru de tratamientu de borrafes de Serín.

    Tamién participó na inauguración la directora xeneral de Planificación Educativa, Elena Arango, quien destacó’l compromisu de la comunidá educativa y la cooperación que caltien con Coxersa dende fai 16 años, cuando empezó’l proyectu de la Rede d’Escueles pol Reciclaxe.

    Nel actu reconocióse a los centros educativos que recibieron el cursu pasáu les acreditaciones a los meyores niveles de desempeñu dientro de la rede. Asina, concedióse la Triple Erre a los colexos públicos Dolores Medio (Uviéu), El Bosquín (Samartín del Rei Aurelio), Padre Galu (Valdés) y Vega de Guceo (Mieres), según a la Escuela d’Educación Infantil Gloria Fuertes (Xixón).

    La distinción máxima, la Cuarta Erre, otorgóse al Centru Integral de Formación Profesional d’Hostelería y Turismu de Xixón, pola implicación de tola comunidá educativa na formación en materia de sostenibilidá de los futuros profesionales del sector y l’aplicación efectiva de bones práctiques nel funcionamientu cotidianu del centru.

  • El presupuestu de Coxersa pa 2022 sube un 11,4 % y algama los 49,7 millones

    El presupuestu de Coxersa pa 2022 sube un 11,4 % y algama los 49,7 millones

    La xunta de gobiernu del Consorciu para la Xestión de Residuos Sólidos d’Asturies (Cogersa) aprobó güei el presupuestu consolidáu de la sociedá pal exerciciu que vien, que sube a 49.709.033 euros, lo que supón una medría del 11,4 % al respective de anguaño.

    El capítulu d’inversiones algama los 22.162.193 euros, de los que  más de 17 millones destínense a la planta de clasificación de residuos de la bolsa negra, que se prevé qu’entre en funcionamientu pa 2023. Otres actuaciones significatives diríxense a la construcción de puntos llimpios nuevos, a la meyora de la eficiencia de la planta de clasificación d’envases y a l’ampliación de la planta de compostáu de residuos vexetales, que sumen 2.575.000 euros, de los que 1,8 millones correspuenden a fondos del Plan de Recuperación, Tresformamientu y Resiliencia.

    Igualmente, el consorciu prevé acometer en 2022 les obres de conexón del centru de tratamientu de residuos a la rede de gas natural, trabayos a los que se destinen casi 800.000 euros. Esta actuación va facer posible el suministru de gas al complexu y la construcción futura d’una gasinera. Amás, abre les puertes a la esportación de biometano pa usos industriales y domésticos.

    Per otra parte, Cogersa va caltener un añu más les ayudes a les parroquies colindantes de Xixón, Carreño, Corvera y Llanera, por un importe de 216.364 euros, amás del sofitu a la Cátedra Coxersa d’Economía Circular, con una tresferencia de 60.000 euros a la Universidá d’Uviéu.

    Na xunta, presidida pola viceconseyera de Mediu Ambiente y Cambéu Climáticu, Nieves Roqueñí, y a la que tamién asistió la xerente de Cogersa, Paz Orviz, aprobáronse les tarifes de los servicios emprestaos pola entidá pal próximu añu. Nesti sentíu, destaca la continuidá de la gratuidá del tratamientu por biometanización de los biorresiduos recoyíos per separtao polos conceyos.

    El restu de tarifes aumenta, de forma xeneral, un 3%, acordies coles previsiones del IPC. Los servicios que más dependen del consumu de combustible van esperimentar una xubida del 7,5%, ente que la xestión de los residuos non peligrosos depositaos en vertideru va xubir un 10%, col fin de facer frente al costu de l’ampliación.

  • Coxersa asume’l sobrecostu de la xestión de los residuos hospitalarios

    Coxersa asume’l sobrecostu de la xestión de los residuos hospitalarios

    El conseyu d’alministración del Consorciu pa la Xestión de Residuos Sólidos d’Asturies (Coxersa) alcordó asumir na so totalidá’l sobrecostu de la recoyida y tratamientu de los residuos hospitalarios. Estos residuos se cuadruplicaronse ente la pandemia provocada pol coronavirus. El coste d’esta midida estímase en 100.000 euros mensuales, mientres dure la crisis sanitaria. La previsión de residuos hospitalarios pa esti mes ye de 135.483, un 307 % más.

    El consorciu recueye los residuos hospitalarios de forma regular na rede sanitaria pública y los sos establecimientos collaboradores dende 1993. Esti serviciu empecipió simultáneamente a la centralización de la xestión de les refugayes hospitalaries nun únicu fornu incinerador de borrafes peligroses.

    Coxersa triplicó’l personal de recoyida a trés conductores y camiones diarios, frente a un conductor y un camión qu’efectúen esti llabor en circunstancies normales. Tamién s’ampliaron les hores de funcionamientu del fornu d’incineración d’estos residuos, que pasaron de 104 a 168 selmanales. D’esta manera, asegúrase la eliminación del material baxo rigoroses midíes de seguridá y salú pa los trabayadores y la redolada.

    Ampliación del vertideru

    La comisión delegada del consorciu aprobó’l proyectu d’ampliación del vertideru actual de residuos non peligrosos, allugáu nes instalaciones de Serín. El proyectu cunta con una inversión de 5.858.132 euros y un plazu d’execución de dolce meses. L’empiezu de les obres, que pretenden enllargar la vida útil del vertideru, prevése pal branu. Los trabayos van consistir nun recrecíu de la instalación actual sobre una superficie de 16 hectárees, con una capacidá d’almacenamientu adicional de 2,1 millones de metros cúbicos.

    Ente les actuaciones previstes destaca’l selláu del vertideru primitivu, que va convertise asina nun importante elementu de seguridá adicional. Les obres tán recoyíes nel Plan Estratéxicu de Residuos del Principáu 2017-2024.

  • Asturies recicla yá’l 32,5% de les borrafes

    Asturies recicla yá’l 32,5% de les borrafes

    Les borrafes reocyíes nel Consorciu para la Xestión de Residuos Sólidos d’Asturies (Coxersa) crecieron casi’l 1,5% en 2019 y algamaron les 516.479 tonelaes. El 24,74% fueron oxetu de tratamientu. A esta cifra hai qu’añedir les recoyíes selectives llevaes a cabu por xestores distintos a la entidá y el compostaxe domésticu. Esta actividá, cada vez más estendida, medró hasta’l 32,5% les refugayes domésticu y comercial reciclaos n’Asturies.

    Coxersa recibió 895.108 tonelaes de borrafes, qu’inclúin los residuos municipales y comerciales, los de construcción y baltadera, les folles d’estaciones depuradores y los industriales non peligrosos. El 40% de los que pasaron poles sos instalaciones foi sometíu a dalgún tratamientu de recicláu. Nel apartáu d’envases, el porcentaxe superó’l 50%. L’aumentu débese a que en 2019 la recoyida selectiva creció percima del 13% n’envases y del 6% nos apartaos de cartón y papel y vidriu. Esta medría sostenida del reciclaje va tener un fuerte impulsu en 2020 pola estensión de la recoyida selectiva de materia orgánico nes grandes ciudaes, que creció un 228%. Amás, en 2023 va entrar en serviciu una nueva planta de reciclaje na que se van invertir 48 millones.

  • El conseyeru d’Infraestructures, escoyíu por unanimidá presidente de Coxersa

    El conseyeru d’Infraestructures, escoyíu por unanimidá presidente de Coxersa

    La nueva xunta de gobiernu del Consorciu para la Xestión de Residuos Sólidos d’Asturies (Coxersa), constituyida esti miércoles, escoyó presidente al conseyeru de Mediu Ambiente, Juan Cofiño. La viceconseyera de Mediu Ambiente y Cambéu Climáticu, Nieves Roqueñí, va ser vicepresidenta.

    La xunta de gobiernu ta constituyida por dos representantes del Principáu y otros dos por caún de los 78 conceyos miembros del consorciu. Asina, el 20% de la representatividá correspuénde-y al Gobiernu d’Asturies y el 80% restante a los conceyos, en función de la so población.

    Coxersa dio na renovación de los sos órganos de dirección tres les elecciones autonómiques y municipales de mayu y tolos sos miembros fueron escoyíos por unanimidá. Amás, los integrantes de la xunta de gobiernu designaron a los miembros de la comisión delegada, órganu de gobiernu que va tar formáu pol presidente y la vicepresidenta del consorciu, los alcaldes de Gozón ya Illas, Jorge Suárez y Alberto Tirador, respectivamente; l’alcaldesa de Coaña, Rosana González y los conceyales Gerardo Antuña (Uviéu), Carmen Saras (Xixón) y Manuel Ángel Riola (Avilés).

    Tamién fueron nomaos los representantes de la xunta de gobiernu en Proygrasa. Esta empresa, perteneciente a Coxersa, xestiona material específico de riesgu (MER), y Bioastur, compañía participada al 50% pol consorciu que produz enerxía eléctrica a partir del biogás del vertideru.

  • Coxersa duplica la capacidá de la so planta de reciclaxe d’envases

    Coxersa duplica la capacidá de la so planta de reciclaxe d’envases

    El Consorciu pa la Xestión de Residuos Sólidos d’Asturies (Coxersa) remató les obres de modernización y ampliación de la planta de reciclaxe d’envases de Serín. La instalación va poder tratar el doble de material depositao nos contenedores mariellos, hasta algamar les 25.500 tonelaes al añu.

    Esta obra, que s’allargó 15 meses, supunxo una inversión de 4.195.931 euros y foi la primera de les aprobaes pol Gobiernu d’Asturies en marzu del 2018, que, con un presupuestu de más de cinco millones, tienen como oxetivu avanzar na xestión de los residuos. L’aumentu de la capacidá de la planta d’envases, que tenía como tope la xestión de 12.000 tonelaes por añu, garantiza’l tratamientu afayadizu nel futuru.

    «El reciclaxe tien que ser y ye una xera que concierne a tola sociedá»

    La primer fase de los trabayos valió pa aumentar la nave de clasificación d’envases, que’l so desenvolvimientu axudicóse a Iguastur S. L. Na segunda fase, la empresa escoyida, Constructora de Calaf S.A.O., anovóse la maquinaria de selección, que va procesar hasta siete tonelaes por hora. En concreto, adquiriéronse equipos más modernos, que perfeccionen l’automatización de la instalación y ameyoren les condiciones de seguranza de los trabayadores.

    El conseyeru de Mediu Ambiente, Benigno Fernández Fano, destacó qu’esta obra supón un pasu más nel cumplimientu de los oxetivos de reciclaxe qu’afita la normativa comunitaria. «El reciclaxe tien que ser y ye una xera que concierne a tola sociedá, a les alministraciones que ponen los medios técnicos necesarios y a los ciudadanos que realicen un actu fundamental pal mediu ambiente», destacó.

    Otra manera, Coxersa amplió tamién el depósitu de seguranza de residuos industriales, que garantiza la so capacidá hasta’l 2028. El proyectu consistió nel movimientu de tierres y l’aumentu de la impermeabilización doble con llámines de polietilenu d’alta densidá y magre que garantiza la protección del suelu y del agua soterraño. A esti depósitu lleguen residuos industriales sólidos con componentes peligrosos como ceniza, escoria, basa estabilizao o tierra contaminao, ente otro.

    Coxersa duplica la capacidá de la so planta de reciclaxe d’envases y va poder tratar 25.500 tonelaes al añu.