El paru xubió en 13.400 persones nel tercer trimestre del añu n’Asturies, lo que supón un 28,68% más que nel trimestre anterior, y el total de paraos asitiase en 60.000, según los datos de la Encuesta de Población Activa (EPA) publicaos esti xueves pol Institutu Nacional d’Estadística (INE). Nel últimu añu, el paru xubió nel Principáu en 3.500 persones, un 6,14%.
A nivel nacional, el paru xubió en 92.700 persones nel tercer trimestre del añu, un 3,3% más que nel trimestre anterior y el so mayor repique en valores absolutos dende’l tercer trimestre de 2020, en plena pandemia. El total de paraos xubió asina hasta los 2.855.200 persones y la tasa de paru avanzó dos décimes, hasta’l 11,84%.
