Los fondos municipales siguen creciendo gracies al sofitu y xenerosidá de los nuesos artistes. La reciente donación del pintor asturianu Julio Magdalena del retratu que Marola-y pinta ye una interesante aportación pa la serie iconográficade retratos d’artistes del Muséu, tantu pola so calidá, como pol fechu d’aunar la figura de dos destacaos pintores que compartieron intereses y aficiones nun Xixón que la so actividá artística reiniciábase tímidamente a mediaos del sieglu pasáu.

Julio Magdalena (Villamayor 1926) pintor figurativu de dilatada trayectoria, ta representáu na colección permanente del Muséu Casa Natal de Xovellanos con dos obres, “Paisaje montañoso” qu’ingresó en 1978 a raíz d’una esposición individual celebrada na Sala Nicanor Piñole, y “Figura en un bosque”, donáu pol autor en 2016.

Artista bien venceyáu a Xixón y a los círculos artísticos de la ciudá, Julio Madalena participó en numberoses esposiciones y bienales, desenvolviendo una pintura que busca una nueva visión del paisaxe asturiano. La so obra caracterizase por una interpretación intensamente cromática de la naturaleza, na que rehúye la identificación topográfica. Esti pintor compartió con Marola les mesmes tertulies y espacios artísticos que se celebraben en Xixón a mediaos de la pasada centuria, y los dos danse a conocer nel mesmu añu, 1962, nel Atenéu Xovellanos, desenvolviendo dende entós una intensa actividá espositiva.

Marola (Manuel Rodríguez Llana) pinta al so amigu Julio Magdalena para practicar el xéneru del retratu, buscando una salida profesional y económica a la so carrera.

Mientres la mayor parte de la so vida la so actividá artística centróse nel campu del dibuxu y l’ilustración, destacando como caricaturista, ensin entamar na pintura hasta 1959. Ye a partir d’entós cuando pinta los sos primeros retratos por conseyu del pintor Pascual Tejerina, un xéneru que van formar parte de la so temática habitual.

El cuadru donáu, ye un retratu de cuerpu enteru, resueltu con una paleta restrinxida de d’ocres y grises, nel que la figura envuélvese nun espaciu apoderáu pola lluz. La fina captación del personaxe, tantu na actitú corporal como nel xestu de la cara, ye significativu de la relación d’amistá que xunió a dambos artistes, que desenvuelven nun mesmu ámbitu xeográfico y cronolóxico carreres paraleles, y manifiesten les mesmes moliciones polos valor plásticos de la pintura, buscando distintes alternatives de renovación de la pintura figurativa.