MyStereo, banda asturiana de rock alternativo, cumple venti años esti 2024 y pa ello abre l’añu con un conciertu na Sala Tizón esti viernes 5 a partir de les 21 hores. Falamos con Alejandro Fernández, batería de MyStereo y repasamos la so trayectoria y les perspectives de la banda de Xixón.
MyStereo naz en 2004, ¿cómo surdio la banda? ¿por qué esi nome?
MyStereo nació en 2004 cuando Alex (guitarra) y el primu Borja (cantante), apasionaos pola música, decidieron unir fuerces y crear dalgo único. El nome «MyStereo» representa la nuestra conexón personal cola música, como si caún de nós tuviera’l so estéreo propiu internu llenu de soníos e histories.
Pasen dos años hasta que conseguís grabar el primer discu Above The Clouds (2006), ¿qué recuerdu tenéis d’esi procesu? ¿Cómo foi esa sensación de ver el discu físicamente siendo tan mozos?
La grabación de «Above The Clouds» fue un procesu emocionante y desafiante. Ser tan mozos y ver físicamente el nuestru primer álbum fue surrealista. Fue la materialización de los nuestros esfuerzos y una sensación de llogru que nos dio puxu pa siguir explorando y creciendo como banda.
En Space Cake (2008) ta’l cantar “It Was Only a Kiss” que tuvo reconocimientu nos AMAS y cierta repercusión n’aquel momentu, ¿cambió dalgo dende’l primer discu pa qu viniera esti éxitu? ¿qué supunxo pa vosotros?
Dende’l primer discu hasta Space Cake, esperimentamos un crecimientu artísticu significativu. El reconocimientu de «It Was Only a Kiss» abriónos puertes y nos permitió llegar a más oyentes. Supunxo una validación del nuestru trabayu y nos inspiró a continuar evolucionando musicalmente.
El tercer álbum lleva como títulu’l vuestru nome que ye dalgo que suel ser más habitual nel primer discu, ¿por qué esi nome nesi momentu?
Titular el nuestru tercer álbum col nuestru nome reflexó un deseu de presentar la nuestra identidad musical de manera más directa grabándolo nosotros mesmos. Queríamos que la xente nos conociera auténticamente y conectara cola esencia mesma de MyStereo.
Diez años después sal Panic Attack (2022), ¿por qué pasó tanto tiempu dende l’anterior discu? ¿qué novedaes tien esti álbum en comparación colos anteriores?
El tiempu ente álbumes fue necesario pa explorar nueves inspiraciones y perfeccionar el nuestru soníu. Panic Attack amuesa una madurez na composición y una diversidá de influencies. Ye una evolución natural que captura la enerxía y la experiencia acumulada a lo llargo los años.
La portada de Panic Attack ye mui prestosa, ¿de quién foi la idea o’l diseñu?
La portada de Panic Attack fue una colaboración creativa ente nosotros nuna nueche d’inspiración. Tresmitimos la idea a una artista rusa (@mbezrukih) que conocía Bruno, y nos quedó una obra de arte que nos encaxó a la perfección. Queríemos tresmitir la intensidá y la emotividá del álbum, y la portada reflexa esi sentir d’emoción y d’escuridá.
Venti años tocando, cuando hai tantes bandes que nun duren nin cinco años, ye too un éxitu en si mesmu, ¿cuál ye’l secretu?
Creemos que la clave del nuestru éxitu ye la pasión constante pola música y l’autenticidá na nuestra expresión. Mantenenos fieles a nós mesmos y disfrutar del viaxe ye [lo] esencial.
Echando la vista atrás, ¿qué ye lo que vos mueve? ¿qué ye eso que deprendistis y que diriáis a los chavales que, como vosotros, tan tocando con amigos y pensando en facer un grupu?
Motívanos la búsqueda constante de la creatividá y la conexón emocional cola música. A unos mozos que tean formando una banda diríamos-yos que se caltengan auténticos, perseverantes y abiertos a la [so] evolución artística.
¿Cuáles son les vuestres influencies principales?
Influencies tan variadas como las de caún de los componentes de les bandes. Dende’l rock clásicu al metal, el progresivu y el grunge. Caún de los componentes somos círculos que son a solapar unos con otros, como aquellos exercicios d’alxebra cola teoría de conxuntos.
¿Cambió muncho’l mundu (de la música) dende entós? ¿cómo lo véis? ¿afecten les plataformes y redes sociales?
El mundu la música cambió enormemente cola llegada de plataformes y redes sociales. Anque ufren oportunidaes increíbles, tamién presenten desafíos. La visibilidá ye más accesible, pero la saturación del mercáu tamién ye un factor a considerar.
Hai plataformes, pero siguen vendiéndose discos físicos (sobre too en vinilo) y entraes físiques, ¿por qué gusta tanto esi sentíu material de les coses? ¿ye una certeza en tiempos d’incertidume? ¿o ye solo señaldá?
L’apegu a discos físicos y entraes físiques reflexa la conexión tanxible que la xente busca nun mundu cada vez más dixital. En tiempos de incertidume, estos oxetos representen una estabilidá y una experiencia auténtica.
¿Cómo vos veis nos siguientes venti años? ¿tenéis material pa otru álbum? ¿hai novedaes que podáis contar?
Vémonos continuando la nuestra exploración musical nos próximos venti años. Sí, hai material pa otru álbum, y tamos emocionaos polo que’l futuru nos depara… somos incansables y esto nos apasiona. Asina que tai sollertes a les novedades.
Si nun quies perder el show del viernes 5 a les les 21 hores na Sala Tizón (C/ Capua, 8) puedes mercar les entraes de forma anticipada na Cervecería La Mina (C/ Santa Lucía, 7-baxu, Xixón) y na mítica Llibrería Paradiso (C/ La Mercé, 28, Xixón). Pa la so compra online pueden mercase nesti enllaz.
