Xixón al día

Etiqueta: SEPA

  • Rescaten a dos senderistes desorientaos en L.lena

    Rescaten a dos senderistes desorientaos en L.lena

    El Grupu de Rescate de Bomberos del Serviciu d’Emerxencies del Principáu d’Asturies alcontró, esta nueche, en perfectu estáu, a dos senderistes, un home y una muyer, que se desorientaron ayeri tarde cuando realizaben la ruta circular de Peña Cerreos, en L.lena.

    Los dos perdíos fueron acompañaos hasta cerca de Tuiza onde habíen dexao aparcáu’l so vehículu. Fueron alcontraos, a 1.950 metros d’altitú, al este de Peña Cerreos, n’Ubiña. Na zona había bastante nieve y dalgún pasu espuestu en fastera xelada polo que, por seguridá, el descensu realizóse, encordaos y bien amodo yá que los senderistes nun llevaben crampones.

    El Centru de Coordinación d’Emerxencies del 112 Asturies recibió l’avisu a les 19.51 hores d’ayeri domingu. Na llamada, realizada polos mesmos afectaos, indicaben que s’habíen desnortiao cuando realizaben la ruta. Diba unes hores contactaren col refuxu de Meicín y agora nun llograben falar con ellos pa saber si unviaren ayuda. Llevaben gps y bona equipación.

    La Sala 112 del SEPA activó a dos efectivos del Grupu de Rescate per tierra. A les 23.21 comuniquen que tienen a los dos perdíos a la vista. A les 00.10 confirmen que yá tán colos senderistes. Nun precisen asistencia sanitaria. Empecipien la baxada escontra’l refuxu de Meicín. Van dir bien lentu porque la pareya nun tien crampones. A les 02.44 hores informen que dexaron a los senderistes nel so vehículu que taba como a un kilómetru de Tuiza. Rematada la intervención tornen a base onde lleguen a les 03.46 hores.

  • El Serviciu d’Emerxencies del Principáu incorpora trés drones como sofitu en busques, rastrexos, vixilancia y control de quemes

    El Serviciu d’Emerxencies del Principáu incorpora trés drones como sofitu en busques, rastrexos, vixilancia y control de quemes

    El Serviciu d’Emerxencies del Principáu d’Asturies (SEPA) incorporó trés drones d’última xeneración a los sos medios d’intervención como sofitu aereu n’emerxencies. Les aeronaves van tar llistes pa operar en cualquier puntu d’Asturies nun tiempu máximu de dos hores, tanto de día como de nueche, los 365 díes del añu.

    Los drones, tamién conocíos como RPAS poles sos sigles n’inglés, Remotely Piloted Aircraft System, van tener asignaes les funciones d’observación, coordinación y toma de datos en catástrofes antrópiques, naturales o de cualquier otra mena; en xeres de valoración, vixilancia y siguimientu de quemes forestales, y de cualquier emerxencia.

    Tamién se van usar pal llevantamientu de perfiles topográficos; midíes de perímetros y superficies; misiones de busca y rastrexu en cualquier tipu de mediu; vixilancia y reconocencia de zones en situaciones d’altu riesgu nes que s’activare dalgún plan de Protección Civil, y como sofitu a cualquier actividá rellacionada coles competencies del SEPA.

    Los equipos van tar disponibles con, polo menos, dos pilotos con titulación emitida pola Axencia Estatal de Seguranza Aérea (AESA) acordies cola normativa en vigor pal pilotaxe d’estos vehículos aéreos non tripulaos.

    Depués de la so activación al traviés del 112 Asturies, el dron va tener que tar presente nun máximu de dos hores nún de los puntos d’alcuentru que s’establecieron pol SEPA y que se correspuenden con cuatro zones xeográfiques: noroccidente, suroccidente, centru y oriente.

    Los drones puen volar de nueche y unviar imáxenes en tiempu real al puestu de mandu avanzáu, al gabinete de crisis o al sitiu que se precise. Disponen de cámares d’alta definición y sensores térmicos que puen usase pa la localización de persones. Tamién lleguen a zones onde un helicópteru nun pue llegar, lo qu’aforra riesgos tanto pal pilotu como pa la tripulación. N’emerxencies, la información apurrida por estes aeronaves resulta de gran importancia pa que l’equipu de mandu pueda tomar decisiones que redunden na eficiencia del serviciu y la optimización de los recursos disponibles.

    La incorporación de los RPAS a los medios d’intervención de Bomberos del SEPA nun supón nengún costu adicional pal serviciu. Estos equipos formen parte de les meyores incluyíes pola empresa axudicataria del contratu de medios aéreos pa los cinco años venideros, que’l so importe global xube a 15,8 millones.

    Esti contratu dexa al organismu siguir cuntando con trés helicópteros, ún d’ellos biturbina y medicalizáu, y dos monoturbines y multifunción amás de los drones que s’incorporen como sofitu aereu ocasional.​​

  • Una quema calcina la cocina d’una vivienda en Grandas de Salime

    Una quema calcina la cocina d’una vivienda en Grandas de Salime

    Efectivos de Bomberos del Serviciu d’Emerxencies del Principáu d’Asturies (SEPA), de los parques de Barres y Grandas de Salime, xunto al Xefe de Bomberos de la Zona Noroccidental escastaron la quema declarada n’una casa na llocalidá de Santa María, en Grandas de Salime. El fueu xamuscó por completu la cocina.

    El Centru de Coordinación d’Emerxencies recibió l’avisu a les 9:23 hores. Na llamada indicóse que taba amburando la cocina d’una casa. De momentu movilizóse al Xefe de Bomberos de la Zona Noroccidental, al pie de los efectivos de los parques de Barres, Grandas de Salime y Tebongu, que se treslladaron col vehículu primera salida, dos
    autobombas forestales y un vehículu d’altor. Finalmente, nun foi necesaria la intervención del efectivu de Tebongo, que se movilizó cola autoescalera.

    Una vegada na zona, los bomberos atacaron la quema, que los vecinos del llugar intentaren apagar, utilizando dos llínees d’agua, una dende l’esterior y otra dende l’interior del inmueble. Los bomberos dieron per controláu la quema a les 9:57 hores. Los efectivos esfrecieron la zona y comprobaron, cola cámara d’imaxes térmica, que nun quedaren puntos calientes. Tamién dieron en desescombrar la cocina que resultó xamuscada.

  • Rescaten a un senderista desorientáu en Piloña

    Rescaten a un senderista desorientáu en Piloña

    Efectivos de Bomberos del Serviciu d’Emerxencies del Principáu d’Asturies (SEPA) con base en Piloña y Cangues d’Onís, en collaboración con axentes del Grupu de Rescate ya Intervención en Monte (GREIM) de la Guardia Civil, alcontraron, ayeri nueche, en perfectu estáu, a un home que se desorientó cuando realizaba una ruta de monte, la del Río Color, en Piloña.

    L’home atopábase na zona d’Argomosu, na redoma de La Matosa, en Piloña onde había dexao aparcáu’l so vehículu y onde lo dexaron en siendo rescatáu.

    El Centru de Coordinación d’Emerxencies del 112 Asturies recibió l’avisu per parte del propiu afectáu a les 20.14 hores d’ayeri miércoles. Na llamada indicaba que s’había desnortiáu realizando la ruta y echárase-y la nueche enriba.

    La Sala 112 del SEPA movilizó l’equipu de bomberos y la Guardia Civil activó a dos axentes del GREIM. A les 22.23 hores comuniquen que yá alcontraron al afectáu y tán aportando hasta él. Unos minutos más tarde yá s’atopa col home y confirmen que ta en perfectu estáu.

  • Dos afectaos nuna quema nun pisu d’Avilés

    Dos afectaos nuna quema nun pisu d’Avilés

    Dos persones resultaron afectaes por inhalación de fumu tres amburar un colchón na vivienda na que vivíen, allugada na octava planta del númberu 16 de l’avenida San Agustín, n’Avilés.

    Según los datos facilitaos pol Serviciu d’Atención Médica Urxente (SAMU) los dos afectaos, un varón de 53 años y una muyer de 94, fueron treslladaos al Hospital San Agustín. L’home foi sacupáu pol equipu médicu la UVI-móvil avilesina con pronósticu reserváu, a falta de más pruebes. La muyer foi treslladada pol equipu d’Atención Primaria del Quirinal nuna ambulancia de soporte vital básicu. El so pronósticu, por cuenta de más exames y hasta nueva valoración médica, yera leve. La quema afectó namás al colchón.

    El Centru de Coordinación d’Emerxencies del 112 Asturies recibió l’avisu a les 22.58 hores d’ayeri martes. Na llamada señalaben que quemara un colchón y creíen que lo apagaren. De resultes de la quema había persones afectaes pol fumu.

  • Rescaten a dos senderistes desorientaos n’Amieva

    Rescaten a dos senderistes desorientaos n’Amieva

    Efectivos de Bomberos del Serviciu d’Emerxencies del Principáu d’Asturies (SEPA), con base nel parque de Cangues d’Onís y el Grupu de Rescate alcontraron y rescataron ilesos, esta nueche, a dos senderistes que se desorientaron cuando realizaben una ruta de monte n’Amieva.

    Los dos senderistas, dos varones de 76 y 66 años d’edá, fueron alcontraos polos bomberos canguetos a unos 500 metros d’unes antenes asitiaes percima de la llocalidá de Pen. Atopábense nuna fastera con fuerte vexetación y muncho enclín. Hasta’l llugar llegaron con posterioridá’l Grupu de Rescate y al alcuentru de toos el Grupu de Rescate ya Intervención de Monte (GREIM) de la Guardia Civil. Los equipos del SEPA solicitaron la so collaboración pa portear a unu de los afectaos que finalmente consiguió, con ayuda, baxar pol so propiu pie.

    Los senderistas fueron treslladaos hasta la localidá de Santillán onde dexaran aparcao’l so vehículu.

    El Centru de Coordinación d’Emerxencies del 112 Asturies recibió l’avisu a les 18.19 hores. Los mesmos afectaos indicaron que taben realizando la ruta del Beyu Pen pero se desorientaron. Nesi momentu taben nuna zona con muncha maleza y desnivel.

    La Sala 112 del SEPA púnxose en contactu telefónicu col Grupu de Rescate que, en falando con ellos, señalen que saben onde s’atopen pero nun creen que puedan salir pelos sos medios. L’equipu va dir movilizándose y amás, como los senderistes señalen que tán viendo en llínea recta la carretera, actívase una dotación de bomberes del parque cangués.

    A les 19.28 hores los bomberos alcuentren visualmente a los afectaos pero tienen qu’atopar una vía d’accesu hasta ellos. A les 21.45 los bomberos informen que yá tán colos senderistes. Unu d’ellos tien dificultaes pa caminar polo que se deriva al Grupu de Rescate al parque cangués a buscar una camiya de portéu y solicítase la collaboración del GREIM qu’activa a dos axentes.

    A les 23.39 hores el personal del SEPA indiquen que yá tán toos aconceyaos al pie de los perdíos. Yá falaron col GREIM que se dirixe al so alcuentru. Ellos van empecipiar el descensu colos dos senderistes.

    Más d’una hora más tarde, a les 01.58 hores, informen que dexaron a los escursionistes nel llugar onde teníen aparcáu’l so vehículu. Tán cansaos pero atópense en perfectu estáu. Nun precisen asistencia sanitaria. Los equipos retiren a les sos respectives bases.

  • Muerre una muyer nuna quema en La Felguera

    Muerre una muyer nuna quema en La Felguera

    Una muyer finó en siendo rescatada por Bomberu del SEPA (Serviciu d’Emerxencies del Principáu d’Asturies) del interior d’una vivienda onde s’aniciara una quema na cai La Unión 32, en La Felguera, Llangréu.

    Según los datos facilitaos pol Serviciu d’Atención Médica Urxente (SAMU) la finada ye una muyer de 48 años. Anque l’equipu médicu de la UVI-móvil de Llangréu tuvo practicándo-y maniobres de soporte vital avanzáu mientres una hora, finalmente, namá pudieron confirmar el so fallecimientu. Hasta’l llugar tamién se movió l’equipu d’Atención Primaria de La Felguera cola ambulancia de la zona.

    Hasta’l llugar moviéronse una decena d’efectivos de Bomberos d’Asturies de los parques de Samartín del Rei Aurelio, Proaza y La Morgal xuntu al xefe de zona centro-este.

    Cuando la primer dotación llegó al llugar, n’entrando al inmueble colos equipos de respiración autónoma, una parte del equipu realizó una primer ventilación del llugar ente qu’otros bomberos realizaben un rastrexu del inmueble onde alcontraron a la muyer. Una vegada rescatada empezaron a practica-y maniobres de reanimación cardiopulmonar hasta la llegada de los equipos sanitarios.

    El fueu, que se controló a les 16.37 hores, xamuscó dos habitaciones d’una vivienda que comunicaba con otru pisu amiesto.

    El Centru de Coordinación d’Emerxencies del 112 Asturies recibió l’avisu a les 15.48 hores. Esplicaben que taba saliendo fumu d’un inmueble de seis altores, creíen que proveníen del cuartu pisu.

    La Sala 112 del SEPA amás d’activar a los bomberos y pasar l’avisu al SAMU informó de lo asocedío a la Policía Local y Nacional de Llangréu.

  • Fina un mozu de 20 años tres cayer dende 150 metros en Somiedu

    Fina un mozu de 20 años tres cayer dende 150 metros en Somiedu

    Un senderista finó tres resbalar y cayer unos 150 metros cuando realizaba la ruta del Llagu de la Cueva, na redoma del altu de La Farrapona, en Somiedu.

    Hasta’l llugar del incidente movióse l’helicópteru medicalizado del Serviciu d’Emerxencies del Principáu d’Asturies (SEPA) col Grupu de Rescate del que forma parte un médica-rescatadora. Anque mientres casi una hora tuvieron practicándo-y maniobres de soporte vital avanzáu finalmente namá pudieron confirmar el so fallecimientu. Tratar d’un varón de 20 años d’edá. La Guardia Civil fíxose cargu de los trámites para proceder al llevantamientu del cadabre.

    El Centru de Coordinación d’Emerxencies recibió l’avisu a les 11.48 hores. El alertante indicaba que taba viendo dende llueñe a unos chicos pidir ayuda, unu d’ellos cayera y taba mancáu. Al llugar nun había accesu rodáu y había muncha nieve. Nesta zona disponer de poca cobertoria de telefonía móvil..

    La Sala 112 del SEPA movilizó l’helicópteru medicalizado de Bomberos d’Asturies y al Grupu de Rescate. Paralelamente pasó l’avisu al SAMU y a la Guardia Civil ya informó de lo asocedío al 112 de Castiella y Llión.

    A les 13.09 hores el Grupu de Rescate comunica qu’el senderista ta fináu, información que se tresllada a la Guardia Civil. Minutos dempués, dende la comandancia del institutu armáu, señalen que nun se muevan los restos mortales del fináu porque va allegar a la zona’l so helicópteru col GREIM para proceder al llevantamientu del cadabre.

    En sacupando a los trés acompañantes del fináu hasta l’altu de La Farrapona, l’equipu tornó a la so base en Llamorgal a les 15.09 hores.

  • Rescaten a dos senderistes desorientaos en Cuadonga

    Rescaten a dos senderistes desorientaos en Cuadonga

    El Grupu de Rescate de Bomberos d’Asturies, a bordu del helicópteru medicalizáu del Serviciu d’Emerxencies del Principáu d’Asturies (SEPA), rescató, en perfectu estáu, a una pareya de senderistas que se desorientó cuando realizaba una ruta de monte en Cuadonga, Cangues d’Onís.

    Dambos, una muyer de 57 años y un varón de 60, tuvieron que ser rescataos por aciu dos tales operaciones de grúa col helicópteru nes que s’esplegaron casi 50 metros en caúna d’elles. La intervención resultó complexa abondo yá que los escursionistes atopábense nuna zona bien frondosa, con muncho arboláu qu’enzancaba la visibilidá y la operatividá de l’aeronave que realizó la intervención n’estacionariu.

    En siendo rescataos y al atopase ilesos treslladáronlos hasta l’aparcamientu onde teníen aparcáu’l so vehículu. Fueron alcontraos nel monte Auseva, xusto enriba de la cueva de Cuadonga.

    El Centru de Coordinación d’Emerxencies del 112 Asturies recibió l’avisu a les 11.16 hores. Fueron los mesmos afectaos los que contactaron con emerxencies. Esplicaron que taben faciendo la ruta d’Orandi y se desorientaron. Dende onde s’atopaben podíen ver la basílica pero nun podíen siguir caminando.

    La Sala 112 del SEPA movilizó al Grupu de Rescate col helicópteru medicalizado y comunicó lo asocedío a la Guardia Civil y a los 112 de Cantabria y Castiella y Llión.

    Rematada la intervención l’equipu tornó a la so base en La Morgal a les 13.06 hores.

  • Fina afogada una persona na sablera de Los Foxos, Cuaña

    Fina afogada una persona na sablera de Los Foxos, Cuaña

    Un home finó afogáu na sablera de Los Foxos, en Cuaña. La Guardia Civil fíxose cargu de los trámites para proceder al llevantamientu del cadabre.

    El cuerpu ensin vida del fináu foi rescatáu de l’agua por efectivos de Bomberes del Serviciu d’Emerxencies del Principáu d’Asturies (SEPA) con base nel parque de Barres. Hasta’l llugar tamién se movió l’helicópteru medicalizáu del SEPA col Grupu de Rescate, del que forma parte una médica-rescatadora que namá pudo confirmar el fallecimientu del varón. Per mar tamién llegó al incidente, con una embarcación neumática, el responsable de l’agrupación de Protección Civil de Navia.

    El Centru de Coordinación d’Emerxencies del 112 Asturies recibió l’avisu a les 10.37 hores. En llamada solicitaben ayuda pa rescatar a un perru que se taba llevando’l mar, taba a unos cinco metros de la orilla, na citada sablera.

    La Sala 112 del SEPA movilizó a los bomberos del parque de Castropol ya informó al responsable de l’agrupación de Protección Civil que minutos dempués señalaba qu’intentaría llegar al llugar cola embarcación neumática.

    Mientres los equipos se dirixíen al incidente recibieron una nueva llamada onde, otru alertante, indica que la persona que taba llamando al perru cayóse a l’agua. Taba viendo llexar daqué nel agua pero nun estremaba lo que yera.

    Paralelamente’l responsable de protección civil informa que por cuenta de la mala mar nun puede averase más y xuntu unos intres dempués, los bomberos comuniquen que van tratar de llegar hasta la persona dende la zona de Navia. El mesmu aguaxe meter faía la ría onde consiguen rescatalo n’una zona de roques. Nesi momentu empecipien maniobres de reanimación hasta la llegada del helicópteru medicalizado del SEPA col Grupu de Rescate que la so médica namá puede confirmar el fallecimientu.

    L’helicópteru de Bomberos d’Asturies retiró del llugar para tornar a base onde llegó a les 12.21 hores. Los bomberos siguen nel incidente para collaborar, recibida la correspondiente autorización, col treslláu del fináu.