La formación política d’ultradrecha Vox, pidió al traviés de la so agrupación en Xixón un cambiu nos topónimos de Xixón que namás tienen versión «en esa ‘llingua’ inventada», como Viesques, Pumarín o Roces. Proponen «promocionar la plena igualdad lingüística, garantizando que todos los lugares de Gijón tengan su versión en español, evitando encerrarse en el terruño con formas aldeanas que apenas usan cuatro asturtzales, como Pumarín, Roces, Porceyo, Cimavilla, Cabueñes o Tremañes».
Vox recuerda que l’asturianu nun ye llingua oficial «gracias a Dios», y propón un llistáu de formes alternatives pa los topónimos que nesti momentu namás tienen forma asturiana, ente los que tán «Bosques» pa Viesques, «Manzanito» pa Pumarín, «Porcejo» pa Porceyo, «Cabueñas» pa Cabueñes y «Las Rozas» pa Roces, topónimu qu’espliquen «Serviría además para reforzar el valor de la zona como barrio residencial, al recordar al lujoso barrio madrileño».
Pero Vox nun solo fala de la toponimia mayor del conceyu de Xixón, sinón que fai propuestes tamién pa topónimos como L’Arbeyal, pal que proponen «Guisantero» o «El Molinote», pal estadiu d’El Molinón, «para evitar que en las retransmisiones deportivas demos la imagen de ser una provincia que no respeta la lengua común».
Baxa pa lleer el llistáu completu de topónimos propuestos.
–
–
–
–
–
–
Bon día de los inocentes :-p (Anque nun garantizamos que nun pase).
