Castropol va ser esta fin de selmana la sede de la primer edición del festival El Pueblo, un eventu que’axunta música, cultura y tradición y col que pretende rindise homenaxe y dar protagonismu a les pequeñes localidaes y a les sos xentes. El certame naz como un eventu itinerante que va percorrer los pueblos de la comunidá, pa fortalecer l’arguyu de pertenencia rural y revitalizar les zones nes que se celebre, xenerando un impactu positivu na so imaxe y economía.
Con una programación pensada pa tola familia, el festival va arrancar el sábadu a les 10:30 hores con una sesión de yoga de la mano de Bety Ewan, pa siguir con pintacares infantiles y p’adultos, mercáu de productos tradicionales, esposición de fotografía, globoflexia, sesión vermú y conciertos de los artistes Amor Líquido, Niños Bravos, Sanguijuelas del Guadiana, Alfredo García y Sidonie.
Tamién va haber espaciu p’actividaes tradicionales como les emblemátiques alfombres florales de Castropol, rutes guiaes, paseos a caballu y una azalea per embarcaciones del Club de Vela de Castropol. El certame pretende demostrar que los pueblos asturianos son llugares pa visitar, pero tamién espacios ideales pa vivir, emprender y construyir comunidá.
El Pueblo cunta con un mercáu que se va instalar nel parque Vicente Loriente, nel que la marca Alimentos del Paraísu Natural va cuntar con un espaciu reserváu pa productos identificaos con distintivos oficiales, y onde se van ufiertar degustaciones y va favorecese’l contactu colos productos y el so orixe.
