Promoviola un grupu d’amigos del barriu de L’Arena, en Xixón, y por ella pasaron más de 500 persones. Ganaron primeros premios del Antroxu xixonés mientres diez ediciones consecutives.
Dende los sos entamos revolucionó’l Antroxu de la ciudá por traer a les sos cais l’estilu de los antroxos d’otres llatitúes, como Brasil o Tenerife. El grupu importó preseos dende Estaos Xuníos y Andorra, desfiló con carroces y foi un referente pola so música y los sos traxes. Tanto les carroces como los traxes tan fechos polos mesmos integrantes de la comparsa, que na so mayor parte yeren muyeres, y pagábense coles perres que recaldaben cola cuota de los socios y la vienta de participaciones de llotería. Tolos años, a partir del mes d’ochobre dedicabense a preparar los traxe; yeren, como ellos mesmos se declaraben, “unos artesanos del Antroxu”.
tras disolvese, n’agostu de 2020 la comparsa donó al muséu una parte representativa del so patrimoniu, integrada por ocho traxes de muyer y unu d’home; siete tocaos de distintos traxes; dieciséis trofeos de premios llograos pola comparsa; 38 cartelos d’Antroxu de Xixón y de fuera d’Asturies, y 31 álbumes que contienen 2.581 fotografíes y retayos de prensa rellacionaos cola actividá de la comparsa dende 1988 a 2020.
D’esta miente queda curiáu nel Muséu del Pueblu d’Asturies un testimoniu de la participación del pueblu de Xixón na celebración del Antroxu de la ciudá.
El muséu estima l’arrogancia de los integrantes d’esta comparsa y n’especial la xestión d’Adrián Guisasola Gómez.
