Categoría: Salú

El Conseyu de Gobiernu aprobó güei delles midíes para faer frente a la covid que van entrar a valir mañana, 5 de marzu. Basaes en criterios puramente técnicos, respuenden a la positiva evolución de la situación epidemiolóxica, con una claru enclín decreciente nes últimes selmanes. Los principales cambeos son los siguientes:

Usu de mididores de CO2 n’interiores

Los establecimientos d’usu públicu nos que l’usu de mázcaru non pueda caltenese de forma siguida tienen de cuntar con mididores de CO2. Los locales a los qu’afecta esta midida son los siguientes: Discoteques y locales d’ociu nocherniegu, establecimientos y locales de xuegu y apuestes, negocios d’hostelería y restauración y otres instalaciones pa serviciu de catering, ximnasios, aquellos espacios como instalaciones deportives, cines, teatros, auditorios, circos de carpa, espacios similares y otres cortiles destinaes a actos y espectáculos culturales nos que, per parte del titular de l’actividá, déxese’l consumu de bébores y comíes per parte del públicu y espacios interiores nos que s’utilice mázcaru de forma permanente y rexúntense de forma simultánea más de 500 persones.

Coles mesmes, encamiéntase cuntar con estos dispositivos nos locales nos que los usuarios nun tengan obligación d’usar el mázcaru tales como ludotecas, guarderíes, academies y actividaes similares.

Ociu nocherniegu

Nos locales d’ociu nocherniegu, va siguir siendo obligatoriu’l mázcaru na pista de baille, según lo dispuesto na Llei 2/2021, de 29 de marzu, la normativa que la desenvuelva y los alcuerdos del Conseyu Interterritorial del Sistema Nacional de Salú.

N’actuaciones musicales en directu tendrá de caltenese una distancia de 4 metros ente músicos y públicu. Amás, va garantizase siempres l’usu obligatoriu de mázcaru y les midíes d’hixene de manos ya hixene respiratoria.

Usu de mázcaru

L’usu del mázcaru va siguir siendo obligatoriu n’espacios interiores, según establez la Llei 2/2021, de 29 de marzu.

Consumu de tabacu

Prohíbese fumar na vía pública o n’espacios al aire llibre cuando nun pueda respetase una distancia mínima interpersonal de 2 metros. Esta llimitación va ser aplicable tamién pal usu de cualesquier otru dispositivu d’inhalación de tabacu, pipes d’agua, cachimbes o asimilaos

Eliminación de les cuarentenes

A partir de mañana esaníciense les cuarentenes de contactos estrechos de casos confirmaos, con independencia de la so situación vacunal, según alcordóse na última Comisión de Salú Pública. Sicasí, encamiéntase que, mientres los 10 díes posteriores a la última esposición, estremen los precuros y amenorguen tolo posible les interacciones sociales, qu’utilicen de forma constante’l mázcaru y que caltengan xuna fayadiza hixene de manos. Especialmente, aconséyase evitar el contactu con persones vulnerables.

Aforos deportivos

Recupérase la totalidá del aforu nes instalaciones deportives, tanto abiertes como zarraes, pa lligues nacionales profesionales de primera y segunda división de fútbol. Les persones qu’alleguen a les competiciones van ser preferentemente abonaes y públicu local. Los asientos se preasignarán antes de cada partíu y van determinase franxes horaries pa facilitar entraes y salíes gradiaes. L’usu del mázcaru va ser obligatoriu nos alcuentros, según nes entraes y salíes. Con calter xeneral, nun se va dexar la vienta nin el consumu d’alimentos y bébores y tampoco podrá fumase. Esta normativa va tar vixente hasta’l 31 de marzu.